السلام عليكم ورحمة الله وبركاته ..
وعدنا للمنتدى وللحياة الطبيعية "لفترة" :p
بعد غياب وانشغال خلال هذه السنة ..
السنة الخامسة من مشوار الحلم.. من مشوار طب الأسنان
السنة الحقيقية للعيادات والشغل العملي ..
السنة الجدية بكل مافيها ..
سنة التحديات.. واثبات للذات ما تستطيع أن تفعل !
سنة خامس هي الفرصة لتعلم كل شي ’ وكل ما تستطيعه حتى تطبقه في حياتك مستقبلا
سنقوم بعمل كل شيْ ونتعرف على كل مجالات طب الأسنان
من هنا.. يمكننا تحديد أي مجال وتخصص يمككنا أن نكونه !
سنة ستعطيك الكثير من الخبرة.. الكثير من العمل والعمل !
ستجدون الجدية في العيادات بخلاف ما كنا نأخذه خلال سنة رابع
عدد العيادات والتخصصات أكثر.. كمية الريكوايرمنت أكثر
أغلب الوقت نقضيه في العيادات.. في كل أيام الأسبوع وليس كرابع 3 أيام فقط
~
بقدر العملي اللي فيها.. تحتوي أيضا على كمية نظري محترمة
أكثر من سنة رابع .. وأقل من ثالث
فلا تعتمدوا على الشغل العملي فقط
~
ممكن سمعتوا كلاااام عنها وعن كمية الضغط اللي فيها
هذه المره ضغط عملي ومرضى وريكوايرمنت
بعكس ثالث اللي كانت ضغط مذاكرة
وقريتوا الهاش تاق #سنة_خامس_علمتني على التويتر
اغلب الكلام كان عن كمية الأشياء اللي اتعلمناها خلال السنة
بالاضافة للتحديات اللي عشناها
اعتبرناها تحديات وليس "صعوبات" لأننا ولله الحمد قدرنا وكلنا حنقدر نتخطاها
منّا مَن اعتبرها من أجمل السنين
وهي كذلك !
~
اتعلمنا أن الشغل ومحاولة إتقانه والإحسان فيه
وإدخال الفرحة على قلب المريض وإزالة آلامه
أهم شي من بعد إرضاء رب العالمين
وان الدرجات ليست بتلك الأهمية !
في هذه السنة حتتعودوا على "طيران" الدرجات
وكما هو معروف كيفية إعطاء الدكاترة للدرجات في العملي .. لازم ينقصوا
ونااادرا يعطوا درجات كاملة
لكن ما يهم ! إذا انت راضي عن عملك وعملت أفضل ما عندك واتبعت كل شي
فـ أفخر بنفسك !
~
مثل كل سنة وفي كل موضوع اكتبه عن سنوات الدراسة
هذه من وجهة نظري .. ووجهات نظر بعض من دفعتي
ممكن تختلف ردات الفعل من شخص لآخر
لكني أبدا ما أحب أحبط في شي
أو ارفع فيه بشكل مبالغ
وان شاء الله تنبسطوا فيها وتعدوها على خير
وتبقى سنة واحدة فقط على التخرج ^_^
وتكون Senior Students
~
يُتبع ,,