عرض مشاركة واحدة
منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 06-09-2012, 09:40 AM   #14

مالي لقب

جامعي

الصورة الرمزية مالي لقب

 
تاريخ التسجيل: Aug 2010
التخصص: علم نفس
نوع الدراسة: إنتظام
المستوى: الثالث
الجنس: أنثى
المشاركات: 730
افتراضي رد: صور من قسم الطالبات بجامعة الملك عبدالعزيز وهي خالية من الطالبات بعد نهاية الترم

ماشاءالله تبارك الله
الف مبروك التخرج وعقبال الدكتوارة والوظيفة يارب
زي ماقلتي جامعتنا حلوة الحمدلله واحسن من الجامعات الثانية مو بس بالشوارع والمباني وكذا
حتى في التدريس والدورات اللي يسونها ويجيبو ناس لهم وزنهم زي طارق الحبييب والشيخ المغامسي والخليفة
وحنا البنات معطينا خصوصيتنا وحريتنا في كثير من الاشياء
اسمع قصص من صديقاتي اللي في جامعات الرياض والقصيم وكيف يلاحقوهم على اشياء بسيطة وتافهة
اقول الله يعينهم ..

بس زي مافي اشياء كويسة وحلوة فيه اشياء سيئة وغلط زي مثلا
الفتحات حقت المويا والمجاري الله يكرمكم تخيلو بعضها الغطاء حقها مفتوح !!!!!!!!!!!!!
وقلك حاطين عليه زي العصا الطويلة عشان البنات ينتبهون
وبعضها الغطا حقها تمويه يكون موجود بس تحطي رجلك عليه يتحرك
مرة غلط صراحة وفيه بنات من ذوي الاحتياجات اذا حنا ننتبه يمكن هم ماينتبهون
>> اللي يعرف وين ابلغ عن ذي الاشياء في الشؤون او الخدمات يقولي عشان اكلمهم

والله يفرج عن اخواننا العراقين ويرزقهم الامان والسكينة في بلدهم
تعجبني اللهجة العراقية احب اسمع احد يتكلم فيها >> برا
وبخصوص المضايقات مدري ليه حتى انا مرت عليا للاسف من بعض الخليجين يقولون دائم نتجنب نحتك
في السعودين !!
واسبابهم انكم متكبرين ومو شايفين غيركم ومو عاجبكم احد وغيره
مدري هو صحيح احنا عطينا فكرة للناس زي كذا ولاهم اللي غلطانين ويعممون على شعب كامل ؟
هو للأسف فيه ناس زي كذا بس احس في كل الناس موجودين مو بس فينا

الله يعطيك العافية اختي والف مبروك التخرج

 


التعديل الأخير تم بواسطة مالي لقب ; 06-09-2012 الساعة 09:42 AM.
مالي لقب غير متواجد حالياً   رد مع اقتباس