أهـلآ ,, آمـــين يارب والله يحققلكـ هوا ^^..
الله يسسسسسسسسسعدك ياشيخة على هادا الرد
شوفي بصدق بدون مجاملات " احنا خارقين ما شاء الله ومع ذلك ما نتشكى
"
الكرف في الدوام صراحه وخصوصا سنه ثانيه عشان كاول سنه تاخذي فيها معمل فراح تطولو فيها واحتمال تخرجو 5
بس اسابيع وتتتعودي وتخلصي قبل الكل
طيب يعني كل محاضرة تاخدوا معلومات كتير ؟ انا عارفة المواد شوية كتيرة وطويلة
بس اقدر لما ارجع البيت على الاقل اقرأ المحاضرات بس ؟
انا ماابقدر اراكم المادة لاني مااقدر ازاكر الماده يوم الاختبار
عندنا ماده بـ 12 ساعه
اذا ضمنتيها اضمن لك باذن الله معدل مو فوق 4.5 معدل فوق 4.7
يامصيبتي 12 سااااااعة 
الماده هذي مو صعبه واللي يقولك كذا مع احترامي " كّذااب "
هيا الاورقنك والاناليتك " عضويه وتحليليه "
الاورقنك يبغالها شده حيل وانك ما تركينها جنبا الى جنب لانو اختبارها بيعتمد ع معادلات وبعض الرياكشن اللي فيها " كميتهااا كبييرة " ..
الاناليتك سهله وحلوة بس مع دكتورة اميمه
"
طيب يعني بنزاكر من السلايدات فقط ؟ اشوف الكتب افضل واحسن ومعلومات أشمل
طبعا انتي ادرى ايش افضل
انا سمعت زيك قبل كذا " لا تقدري بس في حاجه مهمه
انتي لو ركزي ع كل ماده وحتمسكي كل ماده اول باول دا شي مستحيل ليش ؟؟ كذا انتي بتضيعي راحتك وحتلاقي نفسك كرهتي الدراسه
الاتزان حلو
بعض المواد ما تحتاج تختيم قبل الاختبارات لانو جدول الاختبارات لكل ماده تقريبا من 3 ايام وتوصل لـ6 ايام تذاكري فيها
طيب انا من النوع اللي بيزاكر اول باول __ ابدا ماعرف اراكم المواد فوق بعض
اختي طب بشري سنة تالث ودحين داخلة على رابع
بصراحة بيني وبينك بشوفها طول السمستر صح تزاكر بس ماكأنها طالبة طب !تقرأ بس مااتزاكر __ وكمان نص المواد اللي يعجبها بس
يعني انا تحضيري والله بزاكر اكتر منها !!!
بس تعالي شوفيها قبل الاختبارات بشهر
والله ماتنام في اليوم الا 5 ساعات بالكتير وتزاكر ليل نهار __ حتى الفطور ماتفطر انا اجيبوا لها ههههههههه
يعني احيانا من العشاء ل 5 الصباح ماتتحرك مكانها !
انا بحزن عليها واقولها خلاص يكفي مزاكرة طز في الدراسة ههههههههههههههه
هيا من النوع اللي طول السمستر عادي ماتشد حيلها ولاتتعب نفسها بس كرفها في الدوام وبس
لكن ايام الاختبارات تكرف من جد قلبا وقالبا ولاتنام ولاحتى تاكل وتنحف وتنقلب البنت
بصراحة انا مو كدا ابدا
يعني مااقدر كدا اكرف نفسي واجلس 10 ساعات مكاني ازاكر ولاانام ولاشي
بالعكس ايام الاختبارات اقل شي 6 او 7 ساعات انام وارتاح وماابشوف صعوبه لاني بزاكر اول باول
بس
مااعرف هادا الشي يمشي معايا في الصيدله ؟
بصراحه فيه مواد ما تحتاج تتركن
المواد تختلف من شخص للثاني بس اللي غالبا يهتمو فيها دي !!:
اورقنك " كميتها كبيرة لو راكمتي وراكمتي حتنصدمي ليلة الاختبار "
بايوكميستري " ماده جدااااا خطيرة وحلوة ورهيبه
ما تتركن ليش ؟ لانو مواضيعها مترابطه واختباراتها وكويزاتها وعشان تقدري تسالي الدكتورة عن كل شي .. راكمتيها حتشوفيها طلاسم ليلة الاختبار
يب كلمتني اختي عنها __ مرة حلو بايولوجي مع كيمستري احلى مادتين مع بعض << ومتحمسة للمادة هادي
وان شاء ادا ماانقبلت صيدله او مختبرات راح اتخصص كيمياء حيوي __ عارفه في السعوديه مالوا مستقبل بس على الاقل ادخل حاجه احبها وابدع فيها
فيزيولجي : للاسف الماده دي اهملت فيها الترم الاول واغلبنا اهمل فيها " وحناخذ ع راسنا عشان نفهمها ف سنه ثالثه لانو عندنا فارماكولجي وحنستفيد من الفيزيولجي بشكل كبير "
دي الماده فهههههم بحت وممكن يساعدك اليوتيوب فيها
الله يستررررر بس
اتوقع قصدك فسيولوجي ؟ يب كلمتني اختي عنها
بس اكيد نحن مو نفس الطب ؟
لا تقدري ,, بس تنسي اجتهاد التحضيري ,, في التخصص اهم شي تفهمي
تخرجي فاهمه بمعدل عالي
او تخرجي فاهمه بمعدل واطي
احسن بالف مررة بانك تعتمدي ع شيتات وانتي مو فاهمه ومعدل عالي
> ان شاء الله وصلت الفكرة خخ
يب يب وصلت ههههههههههه
طيب الشيتات هل هي واضحة ؟ يعني في المحاضرة الدكاترة بيفهمونا ونخرج ونحن فاهمين من الشيت ؟
وهادي الشيتات ياخدوها من كتب ولا كيف ؟
وفيه مواد افضل اقرأ ازاكرها من الكتاب من نفسي ؟ انا لغتي الحمدالله كويسة
ولا تنصدمي بعضنا جلس شهر في الكليه وهوا يبغى يحول مع الرغم انو برغبته " انا لبدايه الترم الثاني وانا تجي وساوس اني احول بعدين هجدت وقلت بلا جنان والله حبينا الكليه وتعودنا ع ضغطها "
مو عشان مواد بس احس نفسي ما تأقلمت لا مع المكان ولا مع البنات
ف النهايه الحمد لله لو ع رقبتي ما افكر
بس يمكن تحسي فيها فحبيت انبهه عشان لا تستسلمي :)
انا خوافة يعني اي شي ماافهموا ابكي
ويمكن تجي في بالي فكرة التحويل بس احب الصيدله مااتوقع اني بتنازل عنها 
كثرت كلام بس انتي خذي المفيد وارمي الباقي