رد: معاناة طلبة وطالبات الانتساب.. (أتمنى المشاركة)
صحيح الرسوم جداً مرتفعة!!!
الحمدلله بقي لي ترم واحد و اتخرج بس اتمنى تخفيضها أو إلغاءها للي باقي في بداية دراستهم
لكن في مقابل إلغاء الرسوم يحطوا شروط منها انو المعدل يكون كويس و إلا ارتاح ف بيتك و لا تكمل دراسة!! و إلا اش فايدة الشهادة و المعدل طايح!
مع احترامي لكل من هو (أو هي) اللي ما يفتحوا الكتب و إذا قرررربت الاختبارات قالوا نبغى ملخص و نبغى اسئلة سهلة و درجات عالية!!!
لا تزعلوا من هذي الحقيقة!!
فيه جزء كبير من طلاب و طالبات الانتساب ما يعرفون شي اسمه محاضرات البلاك بورد!! و لا الكتب و لا شي!!! و ف النهاية يذاكروا ملخص و النتيجة: الاسئلة صعبة و الدكاترة اشرار متعمدين يرسبونا و و و و من هذا الكلام!!
عارفة أنو كل واحد و ظروفه متزوجـ / (ــة) ، موظفـ/ (ـة) و الاشغال ما تخلص و و و
لكن بما أنكم قررتوا تكملوا دراسة ف لابد تعطوها وقتها و حقها
كثير شوهوا صورة طلاب الانتساب و انهم ما يبغوا إلا الشهادة و لا همهم المعدل و لا هم ناس متفوقين!!!
و فيه طلاب انتساب ما شاءالله اجتهادهم و تفوقهم يتعدى طلاب الانتظام و جهودهم و اضحة في المنتدى و غيره
و هنا عشان ما احد يحس بالقهر نهاية الترم و انو فلوسه ضاعت على غير فائدة لازم نتوكل على الله و نسوي هذي الاشياء:
* ترتيب الميزانية من وقت مبكر، خلاص دام عارفين نفسنا رح ندفع كل ترم يصير نجهز من بدري
* اختيار افضل الدكاترة في المواد
* ترتيب الجدول على ورق من بدري قبل موعد الحذف و الاضافة و الموازنة بين المواد
* حضووووور المحاضرات سواءاً مباشر أو حتى مسجلة
* اعتماد الكتاب كمصدر اساسي للمذاكرة، و لا بأس من الملخصات و نماذج اسئلة للاختبارت كمصدر مراجعة و تثبيت المعلومة
بإذن الله اذا سوينا هذي الاشياء بنكون ما شاءالله راضين عن انفسنا و نجيب معدلات زي الورد
...............................................
( عندي ملاحظه ما انذكرت و هي معاناتنا مع بعض محاضرات البلاك بورد)
إما ما تتسجل و إما يكون الصوت يقطع!! و إما بعض الدكاترة ما يفتحوا المحادثة أو المايك! بعضهم لا محادثة و لا مايك!!!
طيب من حقي اشارك! من حقي اسأل!!!
نجي للدكاترة اغلبهم ما شاءالله عندهم امانة و يشيلوا همنا و هم إذا قطع الصوت أو ما تسجلت المحاضرة و ممكن يرجعوا يسجلوها
و يسووا لنا محاضرات تعويضية في حالة لو النظام تعطل أو دكتورة المادة ما استطاعت تحضر في ذلك اليوم
و فيه جزء من الدكاترة ،، ما نقول إلا لا حول و لا قوة إلا بالله
نقول الصوت يقطع ما نسمع، يجينا الرد: مو ذنبي هذا العطل من النظام
يا دكتورة ف اليوم الفلاني ما حضرتي و راح عليما محاضرة!! ما يكون فيه رد!!!
يا ما المنهج ما يتختم لنا و يا ما و يا ما
لكن الحمدلله على كل حال...
انا نصيحتي للدكاترة انو ما يمسكوا الانتساب إلا اذا قادرين على تحمل الأمااااانة، حرام بصراحة اللي بيصير من بعض الدكاترة( و هم قلة بحمد الله) لكن من حقنا نطالب
و الله يوفق الجميع لكل ما يحب و يرضى
|