عرض مشاركة واحدة
منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 05-07-2005, 06:20 AM   #2

أسير

خريج

الصورة الرمزية أسير

 
تاريخ التسجيل: Oct 2003
التخصص: Computer Programming
نوع الدراسة: إنتظام
الجنس: ذكر
المشاركات: 173
افتراضي

أخي الوردي

بالنسبة لمادة cs102 هي عبارة عن برمجة بلغة ++C


مستوى الصعوبة : متوسط ( و ممكن تكون بسيطة جداً حسب مين يدرسها ، بس أبداً مو صعبة )

كيف نظام الأسئلة :

تخيل إنك تدرس معادلات التكامل ، شفت كيف يجي الاختبار بأفكار لازم تلف عليها من هنا و من هناك لما تحولها لمعادلة مفهومة ؟ بالضبط مادة البرمجة زي كذا
راح تاخذ كيف تكتب أوامر بلغة ++C و تشغلها ( تعمل لها Compilation ) و أشياء زي كذا ، و في الاختبار تجيك أكثر من فكرة قد تكون داخلة في بعض و إنت عليك ترتيبها و تنظيمها علشان تتوصل للأوامر اللي تعطيك نفس المطلوب.

مثلاً : يقول لك اكتب لي برنامج تدخل له رقمين يقوم يطلع لك ناتج بحيث العدد الأول اللي أدخلته يكون مرفوع لقوى العدد الثاني .
عاد إنت لازم تفكر أصلاً كيف العملية اللي تصير لما عدد يكون مرفوع لقوى عدد ثاني ( هذا مثال جداً سهل )

نصيحة :

تركز مزبوط مع الدكتور أو المعيد و ( تفهم ) كل خطوة كيف جات و على أي أساس انكتبت.

اسأل ثم اسأل ثم اسأل عن كل معلومة و لا تفوت الساعات المكتبية لو مو فاهم برنامج مهما كان صغير.

حل الواجبات بنفسك عشان تفهم الأخطاء و كيف تصلحها.

اكتب البرنامج أولاً على ورقة و امشي سطر سطر و شوف ناتج كل سطر و بعدين الناتج النهائي ، و لما يزبط على الورق ابدأ في كتابة البرنامج على الجهاز.

أنصحك تراجع كتاب الدكتور كمال جنبي اللي فيه مجموعة كبييييييرة من الأفكار المهمة و كثير يجي منها أو جزء منها في كل الاختبارات ، هو عبارة عن أسئلة و حلول . يعني برامج و كيف تكتبها و إيش ناتجها . ( مرة مهم تطلع عليه ).

و في النهاية و الله لو كتبت البرامج بنفسك راح تواجهك أخطاء كثير و طالما إنك حاسب آلي لازم توقف عليها وحدة وحدة و تفهم كل خطأ من فين جا و كيف تعالجه ، و صدقني ما راح تستفيد أي شي لوأحد ثاني كتبه عنك لأن فيه مستويات برمجة كثير بعده ما راح تفهمها إلا لو فهمت هذي المادة صح.

أي استفسار أو صعوبة ممكن تراجع الدكتور إبراهيم البديوي ، أخذت معاه مادة برمجة و كان جداً ممتاز و متبسط مع الطلاب في التفهيم لأقصى درجة .

بالتوفيق أخي و آسف للإطالة .

تحياتي ..

 

توقيع أسير  

 

ربما أشتاق شيئاً من شذاك .. ربما أبكي لأني لا أراك
إنما في العمر يوم هو عندي كل عمري
عندما أحسست أني عشت بعض العمر نجماً في سماك
بعد كل هذا .. خبرني
كيف أعطي الحب لسواك!!

 


التعديل الأخير تم بواسطة أسير ; 05-07-2005 الساعة 06:22 AM.
أسير غير متواجد حالياً   رد مع اقتباس