[noha]

المشاركة الأصلية كتبت بواسطة شذى الوادي يعني احذف اللي مع مائسه ؟؟ وليش كنتوا تطلعو الاسئله من النت هي صعبه؟؟؟ وكم ادتك تقريبا؟؟؟عادي قولي بالحروفِ Ac.... اقدر اخذ معاها A???

صاحبتي اخذت مع مائسة ادب كانت تديهم قصص قصيرة وماتتعمق في الشرح واسئلة الدوري سهلة فحبوها البنات بس في النهائي انقلبت عليهم فجأة جابت اسئلة صعبة مع العلم انها اصلا كانت تمر على المنهج مرور الكرام مرة زعلوا البنات و صاحبتي طلعت من ذا الكورس ماتعرف شي عن الادب وتعبت في الفيكشين لان ماكان عندها خلفية كويسة عن الحقب الادبية و لا عن شي
اسئلة سحر مررة سهلة حتى الروايات مو مرة صعبة واول رواية اعطتنا كانت في60 صفحة وكان شرحها شامل ومتعمق وكانت تطلب اننا نجيب مصادر خارجية كتب ومقالات من النت عشان كذا كانوا كثير بنات يجيبوا من موقع سباركس نوتز وفي الاختبار الدوري اكتشفنا ان الاسئلة قد مرت علينا في النت فصرنا دائما نطلع الاسئلة من النت وحتى لمن عرفت هي استمرت تجيب الاسئلة من النت كأنوا مو هامها بس لا تعتمدي على ذا الشي اخاف تغير اسلوبها الترم ذا انتي شوفي ايش حتسوي معكم في اول دوري اذا برضو من النت اجل على الاغلب كل الدوريات والنهائي كمان من النت
هي تعطي درجات كويسة اعطتني 95 لا تخافي من ذي الناحية
لو كنت مكانك لحذفت مائسة واخذت مع سحر حتى حتستفيدي في الكورسات الجاية من اللي تتعلمية في كلاسها
هي كانت تعطينا ملازم شرح ونقد لكل رواية هي تكتبها بنفسها فتتعلمي من اسلوبها النقد الادبي وتتعلمي كيف تكتبي في الايساي وكمان من كثرة الكتابة تسيري اسرع وسلسة اكثر