[رغد محمد]

وعليكم السلام ورحمة الله وبركاته ..

ألف ألف ألف مبرووووووووووووووووك التخصص ..
بخصوص صعوبة التخصص وسهولته أنا ما أقدر أفتيك فيه لأاني جديدة مثلك في القسم لكن حسب ما قرأت كثيرًا في هذا المنتدى من ردود من طلاب وطالبات اللغة استنتجت أن الصعوبة والسهولة تعتمد عليك إنت فقط يعني تذاكر + تجتهد+ اهتمام+ وقت = نجاح وبكل جدارة ...
وأنا اقتبست لك رد الأستاذ الخبير الله يجزاه ألف خير وشوف وش رأيه عن القسم من وجة نظره الكريمة عندما رد على أحد الطلاب :

تخصصنا بسيط للي عنده أساسيات في اللغه<== قواعد
لان الجامعه غير مهتمه في موضوع القرمر ابدا وتأكد انك من الان الى ان تتخرج لن تدرس ماده قرمر .

تخصص الأنجليزي للمنتسبين من واقع خبره بسيطه يجب ان تتوفر بعض الميزات في طلابه
1 - يجب أن يكون لدى الطالب معرفه بقواعد اللغه الأنجليزيه (قبل الدخول الى القسم )
2- لديه رغبه جامحه لتعلم اللغه الأنجليزيه
3- لديه وقت كافي للمذاكره

فمواد اللغه الأنجليزيه لا تحتاج منك الا ثلاث خطوات
قرائه المنهج + ترجمه + حفظ = A+


شوف يا أستاذ عبدالله

خلنا نفرض ان طلاب اللغه الأنجليزيه للأنتساب ينقسمون الى قسمين فقط
قسم فلته وبلبل في الأنجليزي
وقسم نص ونص ويادوب يخارج نفسه في أبسط الأمور

أتفقنا

مواد المستوى الثالث والرابع (أسماع + قراءه + كتابه )؟
الفلته بدون ما يذاكر هذي المواد راح ينجح فيها وبالراحه واذا قراها قرائه ماراح تقل درجته عن ممتاز
اما اللي مستواه نص ونص فيحتاج يذاكر بشكل مضاعف في هذي المواد حتى يقوي مخزونه اللغوي من ناحية المفردات
فحسب مذاكرته فقط راح يجيب (ممتاز أو جيد جدا أو جيد أو يرسب )؟

بالنسبه لـ ( مقدمه في اللغويات + السيمانتكس + السينتاكس + فونتكس + فونولوجي +مورفونولوجي )؟
هذي مواد تأكد كل التأكيد أنك أنت واللي والد في أمريكا راح تدخلونها بنفس الغموووض
فهي ماتحتاج منك الا قرائه ومذاكره سواء لغتك فلته والا ماعندك سالفه
فالفلته لو ماذاكر مثل هذي المواد راح يرسب
واللي مستواه يعني في اللغه لو ذاكر راح يأخذ فيها ممتاز
طبعا تفرق من ناحية ان الفلته امكن الماده ماتأخذ منه أسبوع بالكثير اما اللي اموره نص ونص ممكن تأخذ منه الماده اسبوعين او أكثر
بالنسبه للمواد الأدبيه ( مقدمه في الأدب + الفكشن + الدراما + شكسبير )؟
لغه أنجليزيه قديمه جدا وكلمات تطفش لانها غير دااارجه
فهي مواد مطفشه للفلتات وللي مستواهم نص ونص
وتحتاج مجهود مضاعف في هذه المواد
وهذا مايمنع ان طلاب مستواهم مش ولابد جابو فيها جيدجدا مرتفع
فيه طلاب اعرفهم دخلوا القسم وهم ماعندهم أي شيء في اللغه وتخرجوا الترم الماضي ولكن تعبوا الى ان تخرجوا فكانو يبدأون في المذاكره قبل الأختبارات بثلاث اشهر على الأقل
وأعرف طلاب تخرجوا بتقدير ممتاز
وأزيدك من الشعر بيت في كل دفعه يتخرج من 2 الى 7 بتقدير ممتاز

يا عبد الله تخصصنا ما يحتاج واحد من مواليد تكساس والا لندن..يحتاج واحد يذاكر ويحفظ ويكتب
انتهى الاقتباس ...
................................

شوف هذا الرابط راح يفيدك أكثر عن المواد الحرة ووش معناها وأشياء اخرى ..

http://www.skaau.com/vb/showthread.php?t=242525

ولو حاب تعرف أكثر عن الأشياء المهمة في هذا التخصص شوف هذا الرابط أنا أنصحك فيه وبشدة جدًا جدًا ..

http://www.skaau.com/vb/showthread.php?t=239659

ولو عندك أي استفسار حاب تعرفه راح تلاقي إلي يجاوبك على اسألتك في هذا الرابط الخاص فيكم يالشباب ..

http://www.skaau.com/vb/showthread.php?t=225271

أتمنى أكون أفدتك ولو بالقليل ..
تقبل مروري ..
رغد محمد..