رد: ما ضاع حق وراه مطالب ( شكراً سعادة مدير الجامعة ، شكراً سعادة عميد القبول والتسجي
السلام عليكم
احنا اسفييين يادكتوور
واعذرني على ردي . بس من جد ابغى احد يعرف كيييف احنا نعاااااااني
من حقنا ندافع عن حقوقنا لانه باقي الاقسام دايما مرتااحين واحنا اللي نتبهدل كل سمستر
اليوووم لو تشوفو الطابور في مبنى الجوهرة قدام قسم الانجليزي تنفجعوا من جد
كل ميين يمر من جنبنا يقوول مساكيين الله يعينهم
في مبنى الجوهرة بكبره مافي غيرنا احنا اللي مسويين الزحمه والطابور قدام القسم
وفووق هذا كلله وقفونا ساعتين مدري 3 ساعات
وفي النهاية خرجت أ.نسرين الحربي تقوول اعطوا ورق الحذف والاضافه لفلانه اسمها نهله وهيا توصلها ليا
بعد الوقفه واللطعه هذي تصرفنااا !!
والبنات اللي شويه وتبغى تبكي واللي ظهرها تعب من الوقوووف واللي حامل والله عالم بحاالها
وصحيح نزلت اسماء الدكتورات بس ايش الفايده والحذف والاضافه قفل !
سمعنا انه فيه خلل في نظام تقنية المعلومات
طيب اووكي ...النظام هذا حبكت يخرب علينا وكل الاقسام الباقيه نزلو لهم اسماء الدكاتره ؟؟؟؟
طييب ع الاقل لو كان فيه عطل من الاساس من بدري يعالجوه عشان مصلحتنا
من حقنا كطلاب وطالبات نختار الاساتذه اللي يدرسونا زينا زي باقي الاقسام
كل سمستر تطلعلنا مصيييبه بصراااحه
ارتحنا وسرنا نقدر نضييف مواد حرره من النت .. شي حلوو!!
جووه وخربوها من ناحية اسماء الاستاذات ... واضفنا المواد واحنا محنا عارفين مين حيدرسنا
ونجي نبغى نحوول عند الاستاذه اللي نبغاها يقولو ممنوع !!
طيب ع الاقل يرجعوا يفتحوا نظام الحذف والاضافه
واحنا نضييف من النت ونسهر الليالي ولايهمهم !!
يعني اريحلنا واريح لهم
وفووق هذا كللله شعب التدريب العملي 1 و 2 كانت مقفله
واحنا خريجات ومن حقنا نضييفها التيرم هذا
جيت بفتح موقع الجامعه قبل شويه لقيت شعب التدريب العملي
كلها حد اقصى 10 او 7 !!!!
والله حرااااااااااااااااااااام !!!
انا جدولي فيه 4 مواد وانا ابغى اضيف 5 !! مررره قليل 4 وانا طالبة تخررج وابغى اتخررج وانفك من القسم دا
يعني ايش الحل ؟؟
آآسفه ع الاطاااله ..
اتمنى من كل الطلاب والطالبات انهم يجو ويتكلمووا هناااا
خلينا نطللع اللي في قلبنا شويه
تحيااااااااااااااتي
|