تخرجت من بكالريوس ادارة الخدمات الصحية والمشتفيات - الفصل الاول 2011
وكنت ماخذ هم السنوات والمذكرة والتعب بيين الدوام والمذاكرة لا تروح كلام فاضي وان الشهادة بأبلها واشرب مويتها ..على كلام الاخوان (المرضى نفسيين) اللى في المنتدى الله يهديهم
كل ماجات اختبارات نزلو موضوع وقالوا ان الشهادة ماهي معترفه والثاني يقول حتى دراسات عليا مايمديك والثالث ..... الخ
المهم
اول ماتخرجت رحت هيئة التخصصات الصحية ولقيت الموظف هناك وسئلته
انا : السلام عليكم
الموظف : وعليكم السلام
انا : اخي الكريم .. انا خريج ادارة الخدمات الصحية وابغى التصنيف المهني
الموظف : انتظام ولا انتساب ؟
انا : انتساب
الموظف : تشتغل ؟
انا : لا .. متخرج وجيت عندكم على طول
الموظف : لازم دورة تدربية لمدة 3 اشهر ونعطيك التصنيف
انا : من وين اجيب الدورة وكيف طريقتها ؟
الموظف : اطلع الدور الثاني عن سكرتير المدير وقله ابغى خطاب تدريب
طبعا رحت له واعطاني خطاب تدريب .. وقالي روح بالخطاب لادارة التدريب والابتعاث .. تلقهم جنب مستشفى الملك فهد بجدة في نفس السكن
رحت لهم .. لقيت واحد هناك اخذ الخطاب وقالي اي مستشفي تبغى تتدرب فيه؟
قلت الملك فهد .. اعطاني خطاب ورحت هناك ووفقوا على طول ورجعت لهم مرة ثانية بالخطاب القبول من مستشفي الملك فهد ... ورحت دفعت رسوم التدريب 3000ريال
كل شهر تدريب بـ 1000ريال تدفعها في اقتصاديات الصحة
ولان قاعد اتتدرب في المستشفي .. كلها كم يوم اواخلص
سئلت الزملاء في المستشفى قالو بعد ماتنتهى من الدورة تاخذ التقييم وتروح الهيئة وعلى طوول يعطوك بطاقة التصنيف لأخصائي مساعد ادارة الخدمات الصحية
وبعد سنه من التعيين يعطوك اخصائي على طوول
وهذا والله اعلم
حبيت اعطيكم نزعة معنوية للأمام (للأمام .. من الان .. ثورة على الكتب)
اما بخصوص الدراسات العليا
صديق لي تخرج معي بعد اسبوع رايح امريكا .. تم قبوله في جامعة دنفر (قبول مشروط)
والله يعينكم إن شاء الله