[white rose]

المشاركة الأصلية كتبت بواسطة قموره اموره يارب .. أمس كنت ناويه اروح الا الوالد تعب وشالوا السياره ومالقيت احد يوديني اليوم بروح واشوف ايش حتقولي سكرتيرة القسم.. طيب اذا اصلاً حيعلنوا بالتلفزيون ليش ما تكلموا من اول؟؟ ليش ماقالوا تابعوا وشفوا الإعلانات .. أخذوا مننا الرقم حق الجوال وقالوا حنرسلكم رساله بالموعد بس؟؟ والله الواحد يحس انها تصريفه بصراحه!! اشوف ايش بيقولون اليوم ...

المشاركة الأصلية كتبت بواسطة قموره اموره السلام عليكم انشغلت ونسيت امس ما اكتب ويش صار معايا رحت السكرتيرة اسأل وقالت لي ان لسى العدد ما اكتمل.. اول ما يكتمل نرسلكم ؟؟ سألتها يعني كيف العدد يكتمل ؟؟ يعني كم لازم عشان تراجعون الورقه.. وهنا قامت تصرف واخرتها قالت لي راجعينا بعد اسبوع؟؟ عجيبه ما فهمت سالفت حتى يكتمل العدد دي ؟؟

وعليكم السلام ورحمة الله وبركاته

هلا عزيزتي

وسلامات للوالد ما عليه شر اجر وعافية

ما يقولو شي بقسمنا الله يهديهم ولا بالجامعة لانو ما يفتحو معنا قنوات تواصل زي الاقسام الثانية لو تفتحي قسم علم النفس ومنتداهم هنا ما شاء الله شي يشرح القلب الاستاذات مسجلات بالمنتدى ويتواصلو مع بناتهم لكن في قسمنا للاسف ما يفكرو يتواصلون معنا ويخبرونا باخر المستجدات لازم تروحي لهم وتتغلبي

والعدد يكتمل تقصد انو ما زالو يستقبلو طلبات مراجعة ومنتظرين يخلص التقديم ويحصرو البنات عشان يسوو لكم جدول ايام للمواد ويتفقو مع الاستاذات حسب وقت فراغهم ..

بعد اسبوع لانو ما عندها علم اكيد عن الوقت .. تدرين احنا لمن كنا نحضر دورة الحضور كانت مراجعة الورق تكون باول اسبوع عادة احتمال لمن تقرب الدورة ويبقى عليها بس اسبوع وقتها يتاح لكم مراجعة الورق .. عموما انتي روحي لها وشوفي اش راح تقولك

الله يسخرهم لكم ويرسلو الموعد بدون غلبة وتعب :-)