[حـلآتي بـ:هـدوئي..~]

أولاً مبروك عليكم التخصص , لانو ممتع للي حابه تتعلم شيء جديد وحابه تفهم التقنيات والبرمجة وتطور من نفسها ومن لغتها الانجليزية
ابداً ماتشيلو هم اللغه كلنا كنا زيكم في البداية متخوفين وما اخفيكم في كم بنت من دفعتي حوّلو من التخصص بعد اول ترم يقولو صعب ومدري ايش
ممكن قدراتهم لها مستوى معين وكل شخص أدرى بنفسه وكملو في تخصصات ثانيه , وانا وصحباتي توكلنا واجتهدنا والحمد لله الحين تخرجنا ومبسوطين
انو هذا تخصصنا لانو مستقبله جداً جميل , وغير انو مطلوب بأي مؤسسة الحاسب يعني بإذن الله مستقبلك مضمون , بس يبغالك تشدي حيلك وتحبي تخصصك
وتبدعي فيه و تحاولي تطوري لغتك الانجليزيه لو ببرامج من الجوال تعلمي نفسك كل يوم كم كلمه وهكذا الين مايصير الموضوع سهل عليك , وترا الانجلش
اللي كنا ندرسه اغلبه مصطلحات ومفاهيم علمية مو كلام سهل زي انجلش التحضيري , بس اهم شي انو اي كلمه او مصطلح تترجميه وتفهميه وخلاص الباقي مو
مهم , ومع الايام تحسي الموضوع مرررة سهل عليك , وبالعكس مع التقدم في المستويات حتحسي اختبارات الحاسب الي بالانجلش اسهل من اختبارات المواد الحرة
الي بالعربي وهذا الي صار معايا , فأبداً لا تخاافي مرة مو مستاهل الوضع , بس شوية شطارة وفهم اول بأول مع ترجمه للمصطلحات وراح يسلك معاك الموضوع :)

موفقين ان شاء الله ;$