سلآآآآآآآآآآآآآم
وعليكم السلام
مع اني مني دافور بس بأشارك غصب هههههههههههههه
لا مشاالله عليك واضح انك دفور ومخترع بعد
اول شي ما شاء الله على ذكاء اخوكي وربنا يوفقه ان شاء الله
امييييييين
واحترم اهتمامك بأخوكي انو يصير مجتهد
وكمان على قولتك انو ذكي بس ما يهتم .. بعني ذكاء بدون اجتهاد ولا شي
اول شي اسأليه ليش ما يهتم .. انا لما كنت في الثانويه كانت المدرسه ماهي عاجبتني
وبصمتي فيها مررره سيئه ... ومشاكلي فيها كتييييره
قبل ما ادخل المدرسه قلت لأهلي انا ما ابغا دي المدرسه .. وانغصبت عليها لأنو اخويا كان فيها
وجبت فيها العيد من اول سنه وسويت مشكله .. ووقفوني على باب غرفة المدير اسبووع
وبعدها اتضاربت مع المدير وسار هوا مو طايقني ويبغاني انقل ... مو داري انو انا اللي ابغى الفكه
وبس من بعدها سرت حاط براسي اني في مدرسه كئييييبه ودايما مشاكل
واتخرجت نسبتي 86 دخلت الجامعه بالقوووه مع الدفه حقت القدرات والتحصيلي
طيب كوويس الحمد لله :)
يعني زي ما قلتلك .. اعرفي سبب اهماله
ادا مافي سبب وهوا كدا بيهمل
ان شاء الله
في طرق تانيه تأثري عليه فيها زي انك تفهميه انو ذكي وبس محتاج للمذاكره
دايما اقله لوتستثمر عقلك تطلع احسن من نيوتن
وانو مافي شي حينفعه الا علمه في الزمن دا ... وانو لو ما شاف نفسه من دحين عمره حيروح وحيتحسر على اللي فات
في طرق كتيره تأثر على الاولاد
ومنكم نستفيد ههه
اهم شي انك تحمسيه ... لأنو الاولاد لو اتحمسو ينفجرو هههههه
هههههههههه ان شاء الله ينفجر ع خير بس
الله يسعدكم
ويسعدك يارب