رد: الهندسة الميكانيكية(انتاج) و الكيميائية
والله التخصصين مطلوبه
والاثنين جدااااا مهمين في المصانع والشركات الكبيره
سابك وارامكو وبترو رابغ ووو..
يبغو دي التخصصين اكثر من اي مهندسين ثانيين
لكل واحد لو مزايا وعيوب
انا بقلك من خبرتي في الدراسه
قسم الكيمائيه دكاتره جدا سيئين.. وما تاخد درجات..رئيس قسم سئ..
وطبعا المواد اكيد مهي سهله .. ومهي صعبه.. تعتمد على حبك الكيمياء
اغلب الشباب يحبو كيمياء لكن يشردو عشان القسم سئ عندنا من الدكاتره ..
-----------------
ألميكانيكا ..(انا فيها انتاج)
صراحه قسم انا اشوفو قوي جدا.. ودراستو برضو مهي سهله ابدا
ومهي صعبه مستحيله
بس ميزه القسم انك اغلب الدكاتره يعطوك حقك..فيها كرف جدا
وشغل ووجبات واختبارات وخصوصا لو ضغط نفسك شويه في الاترام ونزلت اكتر من 15
لكن القسم صراحه انا عاجبني الحمدلله ..
يبغالك تششششد حيييلك واكثر شي تسويه تشوف الشباب اللي قبلك عند مين اخدو وكيف الطريقه عشان تاخد درجات ووو..
بدي الطريقه ان شاءالله تعدي في القسم وتمشي زي الحلاوه لكن يبغالك جد واجتهاد
------------------
أللي يبغا يرتاح من كل هذا يدخل صناعيه((مع كامل احترامي للصنااعيين))
--------------
في مجال العمل
الاثنين ما تحصل وظايف في المدن الرئيسه (جده .. الدمام .. الرياض .. المدينه.. مكه )
لكن ميزه المكانيكا وظائف في الجيبل وينبع اكثر من 90%
في المصانع
لكن الكيمائيه ممكن يرموك في حقول.. في اماكن كدا بعيده في قرى
ميزه الكيمائي ياخد بدلات عاليه ويوصل راتبو حلو بعكس الميكانيكي
لكن يعني لكل واحد زي ما قلت عيب ومزايا
واذا حاب تعرف عن اشياء اخرى اسئل وان شاءالله تحصل اجابه
|