[أمواج صالح]

اول شي سلام عليكم وكدا
ثاني شي
اختبار قبول التخصص للانجليزي طبعا حيكون يوم 19-12 ف الفيصليه للبنات هذا اذا في احد ما يعرف ولسى ما راحت سجلت فيه
طبعا شروط الاختبار كالتالي :

1- ان يكون المعدل 3 فما فوق
2- ان تكون درجة المستوى الاخير في مادة اللغة الانجليزية (75)
3- تقديم طلب التخصص (شرط حضور الطالبة) في مقر كلية الاداب والعلوم الانسانية - فرع الفيصلية ل وحدة الشؤون التعليمية شعبة التخصيص غرفة 114 عند "استاذه سحر كلكتاوي "
4- اجتياز اختبار القبول بالقسم

الاختبار قسمين حسب م قالوا الجامعه :
القسم الاول : يعتمد على قدرات الطالبه في الفهم والاستيعاب
القسم الثاني :يقيس قدرة ومستوى الطالبه على التعبير كتابياَ ب استخدام تراكيب وجمل سليمة لغويا

ل اللي ما يعرفون كيف يروحون ل استاذه سحر زيي اول
اول شي تروحي للكلية وتدخلي من بوابه "2" حتدخلي من هناك امشي طوالي لين توصلين ل مبنى الاداب على يمينك تدخليه واسالي اي احد هناك عن الشؤون الطلابيه وراح يعلمونك وين بالزبط

راح تروحين تسجلين اسمك عند استاذه سحر ورقمك الجامعي ورقم جوالك واذا كنتي محوله من انتساب او عن بعد ل انتظام وراح تطلب منك تحطي رغبة ثانيه غير الانجليزي في حال ما اجتزتي الاختبار

هذا كلو معلومات للي كانوا مضيعين زيي , عاد الحين يجي دوري ف الشي اللي ضايعه فيه
اسئلة الاختبار كيف راح تكون وهل في احد عنده نموذج او شي نقدر نشوفه , والجزء الكتابي ف الاختبار هل هو يحسم كثير ف القبول ولا تقريبا النص ب النص بين الفهم والكتابه
وبالله اي احد اختبره وتخصص يعلمنا عشان نقدر نجتاز .
لان ب صراحه انا وغيري كثيير شفتهم اليوم شايلين هم ذا الاختبار وجزء كبير من البنات ذول يعتمدون على المنتدى ف انهم يعرفون الاشياء اللي محتاجينها
وبس والله معليش كثرت هرج