[بنت اهلي]

والله تحف

انا اول يوم في اختبار التفكير قعدت بطرف الصف وتعرفو انه النماذج تكون مختلفة بين اللي جنب بعض
المهم اشوف اللي جنبي ست كبيرة في السن ارتحت لاني لو احد لمح لي انه يبغاني اغششة اتوتر ولا اقدر احل ولا شي
المهم جلست وتوزع الورق وجالسة اطلع الا الاخت تسالني ايش نموذج وبتلقائية وعفوية قلتلها أ قالت لي طيب مااوصيكي
وانا وجهي يقلب احمر اخضر اصفر ازرق طبعا طول وقت الامتحان وهي تاشر لي خفت انها تنقهر مني وتصفقني من كثر من مسوية اني ماشفتها هههههههههههههههههههههههههه وبعد الاختبار واحط رجلي والله خفت منها هي بنية وجسم
المهم حكيت صحباتي لاننا كلنا اختبارنا في نفس القاعة
جاء اختبار الاتصال وادخل القاعة واحط الشنطة الا القاها في نفس المكان تنظر لي وتبتسم وصحبتي تقولي اقعدي وانا اقولها المكان دا بارد انا مااقدر اقعد هنا مع انه القاعة حاره واقعد في ابعد منطقة بنسبة لها وصحباتي مستغربين ايش فيها دي

اما يوم الاحصاء اليوم البغيض داك كانت موادي كلها في مبنى 12 والعادة المبنى دا يكون مقفول فكنت مريحة نفسي اختبر في مبنى 240 عشان قاعته كبيرة وتستوعب وداك اليوم ادخل البمنى ع الساعة 2ونص وافتتح القاعة واقعد مكيفة وعلى الساعة 4 وثلث تيجي وحدة من المراقبات تقولنا كل وحده تختبر حسب شعبتها في المبنى المخصص قلتلها واتصلت وسالت قالتلي مفتوح وامشي من 420 الى 12 مبنى مشي وابغى الحق اصلي وابغى الحق الامتحان والحمدلله وصلت وانا نفسي مقطوع هههههههههههههههههههههههههههههه
اما اختبار الانجليزي تعرفو بطاقات الجامعة الصورة كيف تكون باهته وتكون غير عنك المهم وانا اختبر جات المراقبه تطابق البيانات البطاقة والورقة وتقولي انتي فلانه قلتلها اي مبتسمة قالت لي هذي بطاقتك كشرت وقلتلها اي طبعا قالت لي اختبلاف كبير بينك وبين الصورة قلتلها البس الطرحة واطلع لك بطاقة الهوية عشان تتطابقي
قالت لا مايحتاج وراحت قهرتني مذاكرة وتعبانه وتفتكرني جاية اغش مالت