[monfana]

المشاركة الأصلية كتبت بواسطة a0s0f0 س/ مآذآ سمعت عن الطب قبل أن تخوض المعركة ؟ ياالله شكثر سمعت ناس تخوف منه وناس تكرهك فيه وانه صعب ومشواره طويل وما يندخل الا بالواسطة وبلاوي سوداء كثيرة س/ مآهي وجهة نظرك بعد الدرآسة ؟ الطب جميل جميل جدا.. اللي يبغى يستمتع فيه والله بيستمتع ويجيب درجات ان شاءالله وأهم شئ للي بيدخل طب انه ينظم وقته وتتسهل بإذن الله س/ نظآم الدكآترة هل هم معقدين ؟ فيه كذا وفي ذا فيه دكاترة ماتوقعنا نلقى زي طيبتهم وتعاونهم معنا بحكم انها "كلية الطب" فلازم كل شئ فيها يكون صعب وكبير ويخوف.....الخ كلية الطب تعتمد 80% على الطالب وجزء بسيط عالدكتور س/ مآهو نظآم حل المشكلات ؟ pbl هو نظام بحيث انه مع كل موديول او جهاز يكون فيه case لمريض عنده حالة او مرض متعلقة بالموديول اللي جالسين ندرسه بحيث نلم اللي تعلمناه بالمحاضرات + نجيب معلومات من برا سواء كتب او أونلاين وممكن موب بس كلام حتى صور فديوز فلاش..اي شئ يوصل المعلومة بطريقة حلوه كل واحد يجيب اللي عنده ويجتمعون الطلاب مع دكتور عشوائي كلهم يتناقشون س/ هل طبق نظآم حل المشكلات في طب الأسنان ؟ ما أدري س/ كم درجآتك في القدرات والثانوية وةالتحصيلي ؟ ثانوي 98.83 تحصيلي 90.8>> ناسيه هي بوينت 8 والا بس انها 90 قدرات 81.3 س/ تجربتك مع التحصيلي وأهم المرآجع اللي ذآكرة منهآ ؟ أتذكر اني كنت شايله هم التحصيلي أكثر من القدرات ههههههههه سبحان الله حنا كنا أوول دفعة بنات نختبر قدرات وأول دفعة تراكمي وماكان عندنا أي فكرة وش بيصير ومانقدر نسأل احد لأن مافيه أحد جربها أكبر مننا :( وتوهقنا والله ماتصدق لو أقولك ما استعدينا للقدرات والتحصيلي بأي نوع من التدريب غير انه مدرستنا سوت لنا يومين بس بوسط الترم الثاني ثالث ثانوي جلسنا نحل أسئلة عشوائية للقدرات يوم أول للكمي ويوم ثاني لفظي فقط! عشان كذا كنا مرعوبين من التحصيلي لأن ماتدربنا حتى على نوعية الأسئلة ماندري وش بنواجه حنا اختبرونا قدرات وتحصيلي كلهم بيوم واحد ومافيه شئ اسمه اختبار قدرات ثاني للبنات يومها

والحمدلله أولا وأخيرا والله الفضل الأول والأخير من ربي
واللي يبي يدخل طب مافيه أحد يقدر يوقفه الا نفسه
الله يوفقكم جميعا