[nour al3mr]

العمـل الثــآني المطلوب في كورس شكسبيـــــــر 448

- The Taming of the Shrew ~> تـرويض الشـرسـة

نوع المسـرحية: نوع من أنواع الكوميدي Romantic comedy

- نفس النقطـة السـآبقـة عن لغة شكسبيــــر .. و هذا العمل لغته أصعب حبتيـــن ..
فَـ المودرن انقلش + قراءتها بالعربية يسـآعد على فهمها بشكل أسهل بكثيــــر ..

من هنـآ قرائتها بِـ Modern English

[ The Taming of the Shrew ]

لِـ قرائتها باللغة العربيــــة + موآقع مفيده تتضمن شروحـــآت ..

منهج شكسبير 448 الجديد(الفصل الاول 2012) ---هنا يجمع كل مايتعلق بالماده

موقع سبـآرك نوت مسهل شرحهـآ بطريقة جميلة:
[ هنـآ ]

---

العمـل ماهو طويـــــل .. يعتبـر أقصــــر من العمل السـآبق Othello
فكرته بسيطــة و أحدآثه أسهـــل لأن الكوميدي الهدف منه امتاع الجمهور و اضحاكهم لكن في نفس الوقت منحهم معاني و قيم مبطنة تظهـر من خلال الأحدآث كَـ ثيم major theme

- العمل فيه استراتيجية و تكنيك مميــــــز عند شكسبيـــــــر أفتتح فيه عمله راح أجي بشرحه لاحقـاً بعد الشخصيـآت ..

---

- أحدآث المســرحية:

في مكـآنيــــن :

الأول: في المقدمتين Inductions بتكون قدآم الحـآنة .. بعدها في قصـر اللورد Lord

الثـآني: المسرحية الأصلية في بلدة Padua

---

شخصيـــآت المسـرحيـة:

- Katherine : كـآثــرين البطلة :: المتصفة بأنها Shrew :: في المسرحية بيختصروا اسمهـآ بِـ Kate الإبنة الكُبــــرى لِـ بابتيستـآ مِنُولا Baptista Minola ..
من صفـآتها: عنيفـة .. متوحشـــــة .. عنيـدة .. صوتها عالي و دآئمـة الصـراخ .. صبرها معدوم .. مزآجيـة
تضرب أختها الصغيـرة و توبخهــآ .. ماتخاف من أحد فَـ يشـرد منها الخُطّـآب و يخافوها
أغلب الخاطبين يجوا لأختها الأصغـر منها لأنها العكس منها في الشخصية و الصفات لكن في الوآقع لما نوصل لنهاية المسرحية بيتضح العكس تماماً بمعنى: كـآثرين بتكون الشخص الطيب بجوهر عالي من الأخلاق السـآمية و أختها الصغيرة هي العنيفة و الـ shrew
لأن كـآيت كانت تعمل كل هذهـ التصرفـآت كَـ قنـآع يحميهـآ من العادات و التقاليد اللي ترفضها و تناقضها..
بتتزوج البطل Petruchio بتريشيـــــو ..
أعجبت فيه لأنها لقيت فيه الصفـآت اللي كـآنت تتطلع لها و مالقيتها ولا بأحد من أهل القريـــة
كان يشاببها في العنـآد و القـوة و العنف ..
في البدآيات بترفضه لكن بعدها بتقبل فيه .. وراح يكون مروضهـآ لكن فعلياً الترويض ماكان بالعنف بقدر ماهو بالتعامل بالمثل فكان مثل مرآتها يعكس لها تصرفاتها و يعمل زيها فَـ انصدمت لما شافت أحد يعاملها نفس ماكانت تعامل الناس فعدلت من نفسها و طباعها إلى ما صارت زوجة مطيعه و صالحة له ..

- Petruchio : بتريشيـــو : زوج كـآثرين .
من مدينة فيرونـآ Verona .. جـآء بآدوا Padua يدور له على زوجة تكون غنيـة لأن أبوهـ مات و هو محتاج أموال تساعدهـ على إكمال حيـآته
فتزوج كـآثرين لما عرف أن أبوها بيقدم مهر عالي للي يتزوجهـآ لأنه تعب منها و يبغى يتخلص منها على الرغم من حبه لها
بس لأن أختها الصغيرة رفض يزوجها لأي أحد من الخطاب المتقدمين لها إلى ما تتزوج أختها كيت
فاستغل بتريشيـو هذهـ الفرصـة و تقدم لها و بعد محاولات لترويضها و اقناعها اتزوجهـآ و استخدم معاها تكنيك معين و عملية محددهـ process لترويضها من خلال تعذيبها مثل ما تعذب الناس و نجح في ذلك فصارت زوجة مثالية له

- Bianca .. بيانكـآ
أخت كيت الأصغــــــر .. تتصف باللطف و اللباقة و حسن الأخلاق و الصفـآت
والدها يحبها أكثر من كيت .. و العديد من الخطابين يتقدموا لها من ضمنهم العجوز Gremio جريميـو .. وهو عجوز غني
Hortensio هورتينشيـو برضوهـ رجل غني .. الاثنين بيصيروا أصدقاء عشان يبحثوا لزوج مناسب لكاثرين فيزوجوها بكذهـ يقدر وآحد منهم تزوج بيانكـآ
و في Lucentio برضوهـ من ضمن المتقدمين لخطبة بيانكـآ و بيتزوجها
أب بيانكـآ قال للخطّآب اللي يدفع أكبر مهـــــر راح أزوجه بيانكـآ
أما على كاثرين قال لهم للي يوافق أنه يتزوجها بأعطيه المهــــر أضعاف

- Lucentio لوسينتشيــــو ..
فتى غني من مدينـة بيزآ Pisa جـآء لمدينة بـآدوا Padua مع خادمه اللي هو معتبرهـ صديقة Tranio ترانيـو
هدف لوسينتشو بالسفر لمدينة بـآدوا هو العلم و الدراســــة فكان يتكلم طول الطريق مع صديقة ترانيو عن أهميه زيـآدة العلم و المعرفة في شتى المعارف و الرياضيات و الفلسفـة .
لكنه مجرد ماوصل للبلدة و شـآف بيـآنكـآ .. نسي كل هذهـ الأهـــدآف وصار همه كيف يتزوجهـآ
فعمد على خطـة مع خادمـه ترانيـو أنهم يبدلوا الأدوار فَـ ترانيـو الخادم يصيـر لوسينتشيـــو
و لوسينتشيـو الحقيقي يصيـر متنكـر على هيئة مُدرس عشان يكون قريب من بيـآنكـــآ و يدرسها
لأن أبوها حبسها في البيت إلي ما تتزوج أختها كيت و قال أنه يبغى مدرس لبيانكـآ
[ هنا ثيم التنكـــــر disguise و انتحـآل شخصية مُخالفة للوآقع و الحقيقــــة .. في المسرحية ظهـر هذا الثيم كثير و على نوعين تفصيلهم في الشرح أدناهـ ]

بيـآنكـآ بتهرب معاهـ و بيتزوجوا بعدها بيرجعوا للأب بابتيستــــآ و يوآفق على زواجهم و يسامحهم على اللي عملوهـ


- Grumio جروميـــو .. خـــآدم البطل بتريشيــــو
هنا المغزى من ذكر الخدم [جريميــــو] و خادم لوسينتشيـــو [تـرانيـــو] لعمل مقارنة بين كيفية العلاقـة بين الخـــــآدم و المخدوم ..

- Vincentio فينسينتيـــو ..
وآلد لوسينتشيــــو جاء عشان يشوف ولدهـ كيف عامل بدراسته و يتفاجئ إن ولدهـ ما اهتم بالدراسة و ضيعها و أتزوج بيانكـآ و أعطى والد بيانكــــآ المهر إن كل أملآك والدهـ ملك له
و إن والدهـ موآفق .. وطبعا والدهـ ماهو موافق ولا يعرف لكنه لقي وآحد يشبه أبوهـ فخلاهـ يتنكـر على أنه والدهـ و يشهد معاهـ بالمهــــــر


- Christopher Sly كريستوفـــر ســـلآي .. هذا بيظهـــــر فقط في أول جزء من المسـرحية في المقدمـة inductions
عبارة عن رجل فقيـر سكيــــــر أتضارب مع صاحبة الحـآنة لأنه كسر لها قوارير ولا دفع ديونه و أغمي عليه قدآم الحـآنة فجـآء اللـورد بعد رحلة صيد و شـآفه فقرر يلعب معاهـ لعبة و يتسلى
فخلى اللورد الخدم يشيلوهـ و يحطوهـ في قصـــــــر اللورد و يعاملوهـ على أنه اللورد اللي كان فاقد وعيه لسنين طويله لأنه بغيبوبه و يخلوهـ يظن أنه غني و عندهـ زوجة مستنيته كل هذهـ السنيــــن
و العبيط صدق اللعبة و عاش الدور و اللورد كان عامل حاله من ضمن الخدم و يضحك عليه ..
أهمية وجودهـ يفصل به أدنـآهـ ..

---

التكنيك المُستخدم في هذهـ المســـرحيـة :

شكسبيـر استخدم استراتيجية في الكتـآبة بأنه دمج مسرحية دآخل مسرحيـــة فصار عندنا مسرحيتين في مسرحية وحدهـ play within a play

أيش هما المسرحيتيـــــن و رابط الصلة بينهم ..؟

- المسرحية الأولى كانت عن السكيـر ســلآي لمـآ ظهــــر في مدينة مغايرهـ لمدينة المسرحية الثـآنية [نسيت اسم البلدة لو أفتكرته بأرجع أعدل إن شاء الله ]..
لما اتضارب مع صاحبة الحانة و ضربته و صرخ عليها و مع التعب نام في الأرض فمــر اللـورد مع حاشيته و شافوهـ فكروهـ ميت لكن طلع حي فقال اللورد خلينا نتسلى عليه و نضحك بحيث أننا نعيشه دور و حياة غير حياته الأساسية و نوهمه أنه لورد و غني و فقد الذاكـرهـ من فتـرة
وكل ما يحاول ينكــــر نغدق عليه بالنعيم و أطيب أنواع الخمـر و المأكولات و الشـــرآب و المعازف و الزيوت العطـرية إلى ما فعلاً يصدق .. و إن كمان رفض نخلي الخـآدم الشاب يتنكـر على أنه زوجته .[أيام شكسبيـر ماكان في ممثلات .. الشباب الصغـآر كانوا يخلوهم يلعبوا دور النسـآء]. و اللورد قال لهم بأكون معاكم كأني خـآدم عشان أتاكد أنكم بتنضبطوا في تنفيذ الخدعة و نضحك عليه .
ففعلا نفذها و سلاي في البدآية أنكــــر و صار يوصف أنه الرجل الفقير اللي حتى ماعندهـ إلا فردة شُـراب و حذاء [أكرمكم الله] وحدهـ فقط .. فكيف صـآر لـورد
لعبوا عليه فصدق على الآخـــــر .. وجاء مهرجين من برا البلدة فطلب منهم اللورد الحقيقي [بدور الخـآدم] أنه يمثلوا لســــلآي [اللي صار لورد] مسرحية تخليه يضحك عشان يتعافى بعد الغيبوبة الطـويلة ..
فراح سلاي مع زوجته المزعومـة و جلسوا في الصفوف العُليــــآ من القصــــر يشاهدوا المسـرحية و نام سلاي في أول المسـرحية ..

هنا ينتهي أول دور لهذهـ المسـرحية و تبدأ عندنا المسرحيـة الثـآنية اللي حرت أحداثها في مدينة Padua واللي فيها الـ Shrew كاثـرين ..

في أول act أعتقد بعد نهايته بيصحى ســـــلآي و يقول هي لســـآ ما خلصت و هنا يكون آخـر ظهـور له وماعاد يظهـر لا هو ولا اللـــورد ..

- هذا الجزء و التكنيك فائدته أن شكسبيــــر كأنه يمثل دورنا احنا كمشاهدين لاننا نصير نتابع مثل سـلآي مسرحية تمثل أمامنا + ظهـر ثيم تزييف الحقيقة و انتحال شخصية مخالفة للوآقع و تصديقها disguise لما اللورد لعب دور أنه خادم
و لما سـلاي أرغم بدون إرادته على شخصية أنه لـورد و هو صدق هذا الشيء ..

الـ disguise له نوعيـــــــن:

إما يكـــــون ظـآهـــري و خـآرجي فقط .. مثل ماصـآر مع اللــــورد ~> لعب دور أنه خادم
و إما يكون جوهـري .. مثل ماصـآر مع ســـلآي .. هو مو فقط غيروا له مظهـرهـ الخارجي .. حتى قناعاته اتغيـرت و صدق فعلياً أنه لـورد غني

و بيظهـــــر هذا الثـآنية كمـآن في المسرحيـة الثـآنيـة كثيـــــر ..

---

المســـــــرحيـة الثـآنيــــة و أبـرز الأحدآث فيهــــآ :

- تبدأ المسـرحية بقدوم لوسنتشيــــو للمدينة مع خادمه ترانيــــو و أنهم جايين لبادوآ عشان العلم لكنه بيشوف بيانكـآ في المدينة و بيتبعها و بيسى هدفه
برضوهـ في مشهد لِـ كـآثـــــرين و هي تصـرخ بصوت عالي و ترمي أغراض على خطـآب بيـآنكـآ حتى على أبوها و تهزأهـ ليش أنه يحب بيانكا أكثر منها فالأب يعلن للخطاب أنه بيانكا ما تتزوج إلا لما تتزوج كيت و إنه بيدفع المهـــــر لزوج كيت على عكس بيانكا طلب أنه اللي يتقدم لها لازم يدفع مهـر عالي
فيتفق هورتينشيـو و قراميـــو [خُطّـآب بيانكـآ]أنهم يدوروا ع عريس لكيت فيلاقوا في الطـريق بتريشيـو مع خـآدمـه . بتريشيو جداً عنيف مع خـآدمـه و يضـربه عدة مرات و يهزآهـ و يوصفه بأوصاف سيئة عكس لوسنتشيـو مع خادمـه ترانيـــو .. دائماً يستشيرهـ و يسمع لرأيه كأنه أخوهـ أو صديقه المقـــرب [هنا ثيم علاقة الخادم مع مخدومه كمقـآرنة]

عندنا حدث الـ disguise لمـــآ:
- ترانيـــو لعب دور أنه لوسينتشيـــــو الفتى الغني
و لوسينتشيــو لعب دور أنه مدرس لاتيني
::
- هورتينشيــــو لعب دور أنه مدرس موسيقى

لوسينتشيــــو و هورتنشيـو عملوا كذهـ عشان يكونوا قريبين من بيـآنكـآ .

- في كمـآن تغييـر لما إحدى الرجـآل pedant بيلعب دور وآلد لوسنتشيــــو اللي اسمه Vincentio فنسينتيـو عشـآن يكتب كل أملاكه على أنه مهــــــر لبيـآنكــــآ

[نوع التغييــــر هنا كان ظـآهـري فقط physical]

::

التغييــــــــر كنوع ثـآني دآخلي مخالف للصفات الحقيقية .

- لمـــآ كثـآترين لعبت دور أنها shrew شرسة و متوحشــــة و هي فعلاً ماهي كذهـ
فقط لعبت هذا الدور و ارتدت هذا القناع عشـآن تهرب من عادات و تقاليد مجتمعها اللي رافضته .. و عشان تبحث عن الزوج اللي فعلا يستحقها و يحبها بصدق مو عشان فلوس والدهـآ

- بتريشيـو لما لعب دور أنه عنيف عشان يروض كاثرين .. هو لعب هذا الدور عشان يكون مثل المراية لتصرفات كاثرن و يصدمها باللي هي تعمله .

---

تكملـة للأحدآث :

جاء بتريشيــــو و بعد مضاربات مع كيت حدد يوم الزوآج دون ما يآخذ رأيها و هنا هي مارفضت بالعكس سكتت .. في البدآية كانت تبين أنها رافضته عشان تتأكد هل هو بغالها لمال والدها أو لا ..
طبعاً أبوها قال لبتريشيو أنه إن نجح في أنه يتزوجها راح يعطيه المهر أضعـآف .. و هورتنشيو و قراميـــو برضوهـ قالوا بيعطوه فلوس [عشان يقدروا يتزوجوا بيانكا بعد ما يفتكوا من كيت]

يوم الزوآج أتـأخـــــر بتريشيـو فكيت بكيت و عصبت لكن بعدها جـآء بتريشيــو بملابس زي المُهـرج و كان شارب خمـــــر ..
الهدف من تصرفه هذا عشـآن يثبت لها و يفهمها أنها كانت في بيت والدها كل شيء تطلبه منفذ لها و كانت في نعيم لكنها معاهـ بيتغير الوضع ولازم تصير تطيعه و الملابس مو هيا اللي تصنع الرجـــآل فالمظهـر مو مهم قد ما الجوهـر هو المهم ..

بعد ما تمت مراسيم الزوآج أخذ بتريشيو المهـر و قال لكيت ياللا نروح مافي عشـآء فرفضت فتركها وراح مع خادمـه بعدها عصبت عليه فرجع أخذها بالغصب و ركبها في بغل بطيء جداً و كان الجو مطـر و جيعانة فضحك عليها لما طاحت بالوحل ولا ساعدها
وصلوا البيت و ماخلاها تآكل لأنه قال لها الدجـآج شكله مو مستوي فقالت له بالعكس شكله تمام .. فرمى السفـرة كاملة و خلاها تنام دون أكل .. و مرهـ لما قال لها حان وقت العشـآء فهي تقول له هذا وقت الغداء فنكر و قال لها لو ما تطيعي كلامي أنه عشاء ما أوديك لزواج أختك فأطاعته مع أنها عارفة أنه غلطـآن بالعبارة ..وهو يعرف لكن قصداً قالها ..
عمل كذهـ عشان يروضها و يفهمها أنه كلمته هي المسموعة و يبغاها تشيل قناع العنف عنها و تظهر شخصيتها الحقيقية to kill someone with kindness
عمل معاها نفس الشيء لما جاء الخيـآط و حق القبعـآت يعلموها فستانهاليوم زوآج أختها بيانكـآ من لوسنتشيـو
فجاء بتريشيو و ضرب الخياط و حق القبعات و قطع الفستان لأنه استهزأ بشكل القبعة أنها قديمة و الفستان أنه عامل مثل الدجاجة وووآلخ
فبكيت كيت .. و من هنا فهمت غرضه من هذا كله فصار أيش مايقول لها تطيعه

وهم بالطريق لزوآج أختها بتريشيو يقول لِـ كيت شوفي جمال القمـــر فقالت له هذهـ شمس فقال لها تخالفيني يصيـر نرجع مافي روحة فقالت له صح ما أجمل القمـــر قال لها تكذبي ..! هذهـ شمس فردت أنه دام هو شافه قمـر فبيصير قمـر و لو شافه شمس بتصيـر شمس .. ففرح لردها

برضوهـ لمـآ قابلوا أبو لوسينتشيـو الحقيقي [Vincentio] فقال بتريشيـو لِـ كيت شوفي هذهـ المـرأة الجميلة اللي جايه من بعيد فقالت له فعلاً يا سيدتي الجميلة فين رايحة
قال لها زوجها أنتش ماتشوفي هذا رجال عجوز كله تجاعيد..؟ فاعتذرت للرجـآل على أنه الشمس باشعتها منعتها أنها تركز ..

- آخر المسـرحيــــة في مشعد الرهـــآن و المُقـآمـرهـ wager أنه اللي ينادي زوجته و تطيعه بحيث أنها تجي بسرعه هو اللي يكسب مبلغ من المـآل
فكلهم راهنوا إن كيت مابتكون مطيعة و أن زوجة لوسينتشيو [بيـآنكـآ] و زوجة هورتينشيـو [تزوج لما فقد الأمل من بيانكـآ] بيكونوا المطيعات
لكن صار العكس تماماً
كل ما يرسلوا الخادم أنه ينادي بيانكا ترضبه و تصرخ عليه وتقول زوجي يبغاني وهو يجي
و الأمر نفسه صدر من زوجة هورتينشيو
أما بتريشيـو لما نادى كيت جاته على طــــول و قالت له سمعاً و طـآعة
فطلب منها تروج تجيب الزوجتين و تعطيهم محاضـرة في كيفية طاعة الزوج فجابتهم سحب و هزآتهم بِمحاضـرة طويلة و ضرورة طاعة الزوج و أنه الأساس وووآلخ

و بكذهـ فاز هورتينشيـو بالرهـآن + فاز بأنه عرف يروض و يكشف حقيقة كيت على أنها انسانة طيبة
مو مثل أختها اللي من أول المسرحية تتظـآهـر بالطيبة و الأخلاق العالية لكنها في الوآقع رفضت حتى تطيع زوجها

---

في ثيم الزوآج و نوعه التقليدي + عن حب .. ومين الأنجح

التقليدي كان بين كيت و بتريشيو
و الثـآني كان بين لوسينتشيـو و بيـآنكـآ

اللي نجح التقليدي

::

في كمان ثيم المهـــــر و الزوآج من أجل المـــآل
- أن الأب قدم المهر للعريس في حالة كيت
- أما في بيانكـآ طلب من العريس مهــر عالي

---

و انتهت المسـرحيـة .. تقريباً هذهـ أبـرز الأحدآث ..
ونعتذر على الإطـآلة لكن حاولت أفصل عوضاً عن الفلم

والله يوفقكم