[nour al3mr]

غاليتي والله اعرف شعورك ومقدرة حكاية الزعزعة النفسيه اللي تصيب البنى آدم بالذات لما يذاكر ويجتهد وتعب لكن ما يلقى النتيجه المرجوة اللي يتمناها..نصيحتي لك ياعسل من وحده مجربه معانيه من ذا القسم ..
جميع الاقسام في الجامعه تحمل مستويات متعدده من الصعوبه تقريبا مشابهه للمعاناه والصعوبه في قسمنا..
وهذا الشيء شفته من خلال صديقاتي لانه كل وحده منهم بقسم ولما يجوا يحكوني ويشتكوا أعرف انه الكل يحمل نفس المعاناه يمكن احنا زياده عليهم باعتبار ان اللغه مختلفه ...واشيء الثاني الله يهديهم اسلوب التعامل عند البعض..
لكن حطي في بالك انه العزيمة والاصرار وحدها اللي بتكون لك دافع انك تحققي مرادك ..
اذا انتي عندك حب للغه ومتمكنه منها اضمن لك انه بإذن الله بتعدي فيها ..بس بشرط انك تشتغلي على نفسك ..
لانه زي ماقالوا في ذا التخصص عندهم مبدا احنا ما نعلمكم اللغه الاساسيه باعتبار ه درسنا مستويين انجليزي في البدايه ..وما بعد التخصص يعتمد على الثقافه والخبرات الشخصيه ويقيس مدى تمكنك من اللغه...
لا تخلي اول موقف وصعوبه تواجهيها بالقسم تحطمك<والله اعرف انهم محطمين للانفس البشريه<<لكن خذي الشغله عناد مع اصرار وعزيمة قويه وقبل هذا كله التوكل الحق على الله واستمري وثابري لتحقيق هدفك لانه ما احد انولد متعلم ...
كوني من تزرع الأمل في الانفس المحبطه ..دوري دايم على نقطه الضوء في وسط الظلام الحالك ...
اذا لقيتي احد يحبطك اسمعي من اذن وخرجي من اللثانية ..خذي الكلام اللي بيكون في صالحك وارمي الباقي اللي راح يأثر عليك ولا كانك سمعتيه واثبتي لنفسك وللكل انك قادره على كل شيء ولا في شيء بيوقف في وجهك ..
اعتذر ع الاطاله بس في بالي كلام كثير وهذا اللي طلع منه ..
ربي يوفقك ويهدي سرك ويديم عليك كل خير ويرزقك الصبر للانه من المتطلبات الاساسيه في ذا القسم ..
دمت في حفظ الرحمن....