[كفو وجاد]

1 -اغربتي تكفين كوني حنونه

طال السفر والقلب للهم شيال

2-لاتظلمي عاشق هواه بعيونه

تبين الأسرار واللي على البال

3-أشيل حمل الغير ما يحملونه

تمضي سنين العمر ومازلت حمال

4-وكل السبب مزيون حلى جفونه

زين الهدب وانه باللحظ قتال
5-كل العذارى لامشى يحسدونه

للزين خطوة مثل ينبوع سيال

6- ولاتمايل جعل ربي يصونه

أشبه بالغصن راوي ميال

7- أغليه لو كل الملأ يرخصونه

وأعطيه لو يطلب حياتي بلا مال

8- ياعاذلين القلب تكفي شجونه

غربه وحزن وفوقها جاي عدال
9- ما يثني قلبي لو تعذلونه

ساكن به الغالي ومن فوقه أقفال