[الملاك الأبيض]

هاااي قيرررلز .صبااحكم نور ورضا وورد وجوري ومحبة وتفاؤل يااارب

حبيت أمر عليكم واتمنى لكم التوفيق قلبي ودعواتي معكم كنت بقولكم شوية اشياء بس دانو الله يسعدها سبقتني وماخلت شي .بس احب انوه لشي مهم خصوصا الي مع ميس الاء انو لما تيجوا تحلو اسئلة القطعة ماتكتبوا معلومات زيادة عن الشياء الي طالبها السؤال .لأنو هي دايما كانت تقول الزيادة عندي زي النقصان . يعني لاتحسبو انكم لما تزيدوا كلام راح تبينوا فهمانين وهي تزيدكم درجات .لآ . هم مايحسبوها كذا ابدا هي تبغى الجواب بالتحديد سواء من فهمك او من القطعة بس تكون الجزئية الي هي محددتها وبس بلا زيادات . هذي النقطة الي حبيت انبهكم عليها .

ولاتنسوا انو حاولو ماتستخدموا الرصاص كثير الا في الاجوبة الي شاكين فيها عشان مايضيع الوقت في التحبير . وكمان لو ماعرفتو سؤال معين روحوا على طووول للي بعده عشان لايضيع الوقت . واهم شي انو حطوا الساعة جنبكم وراقبوا الوقت لأنو غالبا البنات ينسوا نفسهم ويروح الوقت عليهم من دون مايحسوا فحاولو تشملو كل الاسئلة باجوبة قبل مايخلص الوقت .

اخر نصيحة وهي بجد اهم من كل الي قلته انو كل الي حملت المادة او حذفتها لاتخلو الخوف عائق قدام نجاحكم وتأكدو انو الي عدوا المادة مو أذكى او احسن منكم والي يجتهد ربي مايضيع جهده وماتسمعو لأي محبطات وعليكم اولا واخيرا بالدعاء والتوفيق اولا واخيرا بيد الله سبحانه .

موفقين يااارب ودعواااتي في ظهر الغيب تحتويكم