[ام حمدان]

ياحلوين اول شي لازم تنتبهوا لنقطه مهمه جداااااااااا

المناهج تغيرت عن مناهجنا قبل

يعني اكيد طريقة الامتحان راح تتغير ايضا

والدليل
انه طريقة امتحان الرايتنق2 تغيرت عن العام بما ان دورة طالبات المستوى الرابع كانت معنا
وتأكدت من هالشي

الرايتنق2 كان مجرد تختاروا كتابة مقال من بين موضوعين مختلفين
وكل ال100 عليه
الان صار الامتحان
جزء على التلخيص والتوثيق
وجزء الثاني هو المقال
وماادري كم بيكون توزيع الدرجات لكن الاكيد المقال هو الي يحمل الدرجات الاكبر


فأنتوا يمكن يكون اختبار الرايتنق 1 كمان نفس الشي جزء على القواعد الي فالكتاب وجزء على كتابه مقال او براقراف
هذا تخمين من عندي

عالعموم الكلام الاكيد راح تعرفوه فالدوره من استاذاتكم إن شاء الله

لكن للمعلوميه للي حابه تعرف كيف كانت امتحاناتنا اول على كل ماده
اقولها


بالنسبه للملخصات ----ابدا ابدا لا تعتمدي على شي اسمه ملخص لاي ماده لو تبغين تنجحي ذاكري من الكتاب ثم الكتاب ثم الكتاب

بالنسبه لمواد الانقلش
الريدنق --الي تقدري تذاكريه من الكتاب
الاستراتيجيات والقرامر ان وجد
والفوكابلري مهم تعرفي معناه بالانجليزي لانه ممكن يطلبوا منكم التعريف
ولو فيه كلمات لها عكس لازم تذاكريها
اوممكن تطلب منكم مرادف للكلمه synonym---وهي كلمه وحده مو تعريف
--او عكس الكلمه antonym


وكمان لازم تعرفي تميزي الكلمه اذا كانت noun or verb or adjective or adverbوهذي عاده تجي فقاعده اسمها suffixes
وكمان prefixes
والاسئله الي تجي على القاعدات ذي تشبه الي فالكتاب
اما القطع ذاكريها للفهم فقط وتدربي على كيف تطلعي مين ايديا او توبك سينتنس لكن
مستحيل تجيكم نفس القطع يعني لو تعبتي وترجمتيها ماراح تستفيدي شي القطع تجيكم من برى الكتاب وعليها اسئله تشبه صيغه الاسئله الي فالكتاب وتكون عاده عليها من 20 -25 درجه
يعني لازم تتصفحي النت وتقري مواضيع كثير عشان تثقفي نفسك

الليسننق
لو فيه فوكابلري طلعي معناه بالانجليزي واحفظيه
وتدربي على انك تحطيهم في جمل من عندك لانه سبق وجانا شي زي كذا

والتمارين الي تجيكي على الاستماع زي stress وخلافه افهمي قاعدتها وذاكريها لانه منهجكم تغير ومااعرف ايش بيجيكم بالضبط بس فالمحاضره الاستاذه تقولكم اذا مهم او لا
افتكر مافي شي جانا من برى الكتاب غير سؤال الاستماع شريط تسمعوه وعليه اسئله تجاوبوا على حسب الي سمعتوه وكان عليه 20 درجه

الرايتنق --تغير مااعرف كيف بيجيكم بس احنا كنا نقرى القواعد وخطوات الكتابه لكل نوع من البرقرافات وبعد كذا نجيب مواضيع من برى الكتاب من النت ونقراها ونعيد كتابتها على اساس انه نثقف نفسنا ونكتسب شويه افكار
عموما الاستاذه فالمحاضرات بتقولكم كيف بيكون الامتحان وايش المهم الي تركزوا عليه

وإن شاء الله اكون افدتكم لو بشي بسيط

تذكروا كلامي اعلاه قياسا على منهجنا القديم المنهج الجديد مااعرف عنه شي
بالتوفيق