[حنين الود]

المشاركة الأصلية كتبت بواسطة بنت عزوز تسلمي حبيبتي حنين الود مس رشااا تقوول اهم شي يكوون مفيد ومش مملل ويكوون جديد عليهاا يعني مااتطفش وهي تسمعني انا عن نفسي ماعندي مشكله في البريزنتيشن اهم شي اني اجمع معلوماات واتكلم بس ابي شي حلوو وجديد وانا بنفسي اتعب عليه ويكوون حلوو

بحطلك شوية مواضيع وشوفي عجبتك أو لأ بس رديلي لو مو عاجبتكي ..
1- إتكلمي عن معاني الأسمآء وإتكلمي عن أهمية الإسم بالنسبه للإنسان نفسه وكيف ممكن الإنسان ياخد من إسمه كيف يأثر على شخصيته يعني لو الإسم معناه حلو الشي دا يعكس على الإنسان ونفسيته وإتكلمي عن أهمية الإسم في الإسلام لأنو الرسول صلى الله عليه وسلم ذكر إنو (خير الأسماء ماعبد وحمد ) وكمان قصة مطيع بن عامر بن عوف البكائي العامري الي سماه الرسول مطيع وكان اسمه عاصي (بسبب انو الإسم غير محبب إجتماعيا )فغيرله الإسم <وهذا دليل على إهتمام الرسول بالأسمآء ودليل على تأثير الإسم وكمآن قولي إنو الإسم ممكن يدل على أشياء كثير واتكلمي عن الأمثال مثلا لما الإنسان يكون إسمه حلو وتكون شخصيته محبوبة يقولو( الناس إسم على مسمى )..وكمآن قولي إنو العالم صآر مهووس بالأسمآء والنكنيمآت وصآرت فيه مواقع متخصصة بمعاني الآسماء حتى بلغات أجنبية وفيه نآس دحين لما يعرفوا إنومعنى إسم بنتهم أو ولدهم بلغة تانية شي بايخ يشيلوا الفكره من رآسهم ويدوروا إسم تآني ..إتكلمي عن أكتر الشعوب الي بتهتم بأسماء ابنائهم شوفي دوري في النت من هما أكتر شعب (عشآن أنا نآسيه)إتكلمي عن أكتر الأسمآء شهره في العالم ..مثلا قبل كم سنه والله ماأذكر كآن الإسم الأول في بريطانيا هوا (محمد)<بسبب إنو أي واحد يدخل في الإسلام يسمي نفسه محمد وكمآن أهم شي إنو كآن الإسم الأكثر إنتشار بالنسبة للذكور الرضع ..وكمآن عشآن التنوع الثقافي والسكآني في بلدهم..(إتكلمي عن حكاية لميس ومهند)<<طبعا في السعودية لما بلغ إعجاب شعبنا العزيز بالشخصيات فيه نآس سموا بإسمهم..
تعبت بعدين حكمل ..إن شآء الله