جدولي الترم دا كان
أبلايد مع دكتور سلطان الحاتمي : الدكتور شرحو ممتاز وكانت المحاضره معاه واضحه ومافي اسهل منها
الاختبار معاه ماكان سهل واضح ولا كان صعب .. اممم نوعا ما يحتاج ربط معلومات وفهم وحفظ .. رأيي كورس معاه كويس ويبغالو شد حيل لا تستهونو فيه زي ما كتير استهونو فيه
سيمنار مع دكتورة عزيزه : انسااانه جدااا رائعه شرحها كووويس وتفهمي منها في المحاضره وجدا متعاونه
كان مطلوب بحث من 8-10 صفحات عليه 30 والاختبار من 70 .. 30 فقره صح وخطأ مع التصحيح و9 اسئلة شورت انسر تختاري منهم 7 و اسئله ع البحث عليهم 5 محسويه من درجة البحث
الماده عمووما دمممها تقيل فييها دراسات وحفظ دراسات وتعريفات لكن معاها كان جيد جدا وعلى قد ماذاكرنا على قد ما اعطتنا درجات ..كوورس معاها مايتفووت الماده عموما يبغالها حفظ وفهم ..
لغويات اجتماعيه مع دكتورة نهى الشرفا : ما ادري ايش اقوول صراحه
بداية الترم كانت محدده 3 كتب وبعدين خلت كتاب واحد بس
يمكن هييا من كتر ماتعمقت في العلم دا صارت تبغانا نتعمق زيها .. بس صراحة ما كنت افهم منها شي ابداا .. بداية الترم كانت تشرح من كتاب نسخه قديمه غير اللي معانا
وماكنا عارفيين ايش تشرح .. وبعدين جابت كتاب نفس نسختنا وصارت تقرأ سطر سطر
وبنفس مصطلحات الكتاب مافي مجال ابدأ انك تفهمي .. دا رأيي للأسف
الاختبار معاها كان 5 شورت انسر -5صح وخطأ مع توضيح الصح وتصحيح الخطأ-5 اسئله خيارات-5اسئلة تعاريف ومقارنه
بمعنى ان كل فقره عليها 5 درجات حتى الاختياري
كان الاختبار صدمه ليا صراحة في لحظات اتمنيت اني اكون مع دكتورة منال التاودي بس الحمدلله عديت ع خير
شكسبير مع دكتور حارس :انا قبل اخذت معاه فيكشن .. ما اعرف ايش صار معاه الترم دا بصراحه ماتوقعت الشرح والاختبار صح ماتغير شي شرحو كويس وطريقة اختبارو زي ماتفق معانا وكانت الاسئله واضحه من اللي ذكرها في السنترا
بس التصحيح ما اعرف اذا كان اصلا صححها.. مررا اتأخر بالتصحيح والرصد وخسفنا في الدرجات والكل درجاتهم اقل من 80 حتى اللي كانو متوقعين a+ وانا منهم اتفاجأت بالـ c لكن ما اقول الا حسبي الله ونعم الوكيل
التدريب مع دكتوره من البلوي :
انا عندي تجربة سيئه معاها في السينتاكس ..
التدريب كان عليه 40 والتقرير 20 والاختبار 40
في المحاضرات كانت تجي تجاوب ع اسئلتنا عن التدريب واماكن التدريب وقالت طريقة كتابة التقرير
الاختبار كان جزء ريدينق وكان جددا مستووواه عالي .. وجزء قرامر 10 فقرات اختاري الجواب الافضل والباقي اختاري الاجابه الصح
الاختبار كان جيد بأستثناء جزء الريدينق .. لكن بالنسبه للتدريب واماكن التدريب كانت متعاونه معانا
عن نفسي اكتتر دكاتره انبسطت في الكورسات معاهم من ناحية المذاكره والاختبار والدرجات
دكتوره ليلى هاشم في مقدمة اللغويات+ والصوتيات+ وعلم الاصوات
دكتورة نجوى الغريبي في التقد ( شويا متعبه في المذاكره )
دكتورة عزيزة العيسى في السيمنار ( شويا متعبه في المذاكره )
دكتور عمر باقبص في المودرن
دكتور حارس في الفيكشن
دكتور سلطان في الابلايد
واستاذه حنان جبر في الرايتينق
وريم سائحي في الاستماع
بالتوفييق للجمييع