اهلا اختي فراشة الربيع..
انا وعدتك اني ارد على اسألتك ...
وان شاء الله ربي يقدرني أساعدك وافيدك يارب..
زي ماقلت لك..
قسم نظم معلومات يمكن فيه شويه حفظ زياده عن CS and IT
يمكن طلاب وطالبات الIS يفيدونك اكثر مني
لأن انا مجرد كنت اسمعهم .. فالي يسمع غير الي يشوف ..
وبالنسبه لمشكلة الحفظ .. ... امممممم اكيد اغلبنا يعاني منه..!!
الله اعلم ..
المشكله
فينا او في زمنا او في ذنوبنا او او او ...!!
بس انتِ اكيد اخذتي اول ترم بكلية الحاسب..
- ثقافه مستوى 1...
- احصاء
-اساليب الكتابه العلمية
Technical writing
- مقدمة حوسبة
Introduction to computing
كم جبتي فيها اذا ماعندك مانع..؟ ترى مرره فيها حفظ كثير...بس حفظها حلو لأنه يعتمد على الفهم..
- برمجه C++
programming
... C++ اعتقد تعتمد اعتماد كبير على الشخص نفسه....يعني اهم شي
انتِ تأخذين الاساسيات من الاستاذه.. والباقي عليك..
.. وبعدين لا ننسى المعمل .. والواجبات..
بصراحه حلها بنفسك لها دور ...
بصراحه ممتعه اذا اعطناها حقها ووقتها..لأن مستحيل بيوم وليله نكون بروفيشينال فيها..
او حتى بشهر..!!
لازم لازم براكتس عليها
.... واهم واحلى مافيها انك تجربين..
يعني
التطبيق ثم التطبيق ثم التطبيق ..خذيها
نصيحها من اختك..
واكيد الاستاذه بالمحاضره تقولك لو كتبتي هذا الكود بيسير كذا او بيشتغل البرنامج ولا يوقف او
اواو او ..فلازم انت تحاولين تروحين و تجربين بنفسك بالبيت ..
عشان اذا جربتي ما اظن بتنسينها...
و بصراحه ال Java احسها اسهل بكثير من C++
فلا تشيلين همها ..هي نفس اساسيات اللغه الي اخذتيها بألأول ويمكن بعد اسهل..لأن مافيها تفاصيل
كثيره..
وبالنسبه انك كارهه البرمجه ..من الحين اقولك.. شي طبيعي طبيعي جدا
يعني يمكن الاختبار جاكي صعب شوي وحوستي...او جتك ظروف بالهترم
وماذاكرتيها مزبوط..
او انضغطتي وطنشتيها
..يعني احيانا الانسان يغلط ..وبعدين يندم ..ويتعلم من غلطته..!!
فا احلى حاجه يافراشه حاولي انك ماتربطين كرهك لقسم او لماده عشان استاذه او اسئله او وقت او
ظروف..
انت قد كل شي .. صدقيني الي اخذوا a+ مو احسن منك..
بس يمكن عشان ما اعطيناها وقت كافي في المذاكره
انت الحين قدامك فرصه كبيره تطورين وتنمين نفسك..عندك الاجازه الحين حاولي تشوفين
مواقع او تقرين افكار جديده..
جربي , اسألي , اغلطي .. عادي .. كلنا بدأنا كذا ..حتى الدكاتره بدأو كذا..
ما حبوها بيوم وليله...ولا ابدوعوا وهم نايمين
..يعني سهروا ..
وضغطوا على نفسهم وتعبوا...
..فهذا شي طبيعي ..
لازم حنا نتعب وننكرف..
ونسهر ونطقطق ع الجهاز.. الين الفجر ..
.!.!!
والين ما تكرهين الاب توب ويروح نظرك ...
ويمكن تنامين على الاب توب.
...وتلاقين عينك حمرررااا
<<<ترى زودتها مررره
ماتوصل لكذا مع الجافا..
(((بس واجبات Data structuer توريك الغين الحمراء 
..وتطلع عيوونك وباقي تتذكرين كلامي...))
خرجنا عن الموضوع نرجع..
يعني
مو ناخذ واجبات مسروقه من موقع.
... ولا من صديقتي ..!!!
خخخخخ
يعني انتِ جددي النيه مع نفسك .. واسألي وجربي وحاولي واغلطي..
واذا ماجبتي درجه الحلوه
.. ..عادي ياعزيزتي يكفيك شرف المحاوله...!!
وترى ماشاء الله احنا عندنا بنات تطلع افكار .. وتجيبها للاستاذه..
من جد تحسين ابداع..صح يمكن انه شي بسيط.. بس صدقيني مع الوقت بتبدعينا بأفكارك وتسيرين
مجنونه فيها..!!
يعني لا تشكين بقدارتك...
صح نسيت اقولك.. عندك شبترين بالجافااساسيات..
يعني ماراح تذاكرين شي..فالوقت هذا استغلي نفسك تشوفين افكار وبرامج البنات الي قبلك..
ترى مره بيفيدك بأذن الله..
ان شاء الله ربي يسهل عليك..بالبرمجه..ترى هي حلوه وممتعه .. وعشان تشوفينها حلو وممتعه..لا
تستنين
مافي استاذه تعطيك كود جاهز
.. انت روحي بنفسك وجربي وابدعي وصدقيني بتحسين بقيمة
الشي الي
تسوينه..
حتى لو الاستاذه ما دريت عنك ولا عبرتك
....
....يكفيك انك سويتي شي وانجزتي..
صح افتكرت شي..حلو مره.. الجافا فيها رسم وحركات حلوه..يعني تقدرين ترسمين مربع
مثلث وبيت
وتطلعين ويندو
تقدرين تكبين فيها اي مسج تبينه ولما تسوين رن للبرنامج يطلع المسج الي كتبيتيه
..فهمتي قصدي ..
واشياء كذا حلوه تحطين الوان..عاد هذي ابدعي فيها بس مو بوقت الدراسه ..!!
لأن هم بيعطونك الاساسيات ...
ولأن اظن يجيبونها بالاختبار...
وبالاخير يا فراشه انت قدها وقدها وقدها
....ذاكري وسألي وجربي وراح تكونين
مبدعه ومنتجه ..و احلى
بزنس ومين بالسعوديه..وبالعالم
ياارب....عاد ذيك الساعه لاتتكبيرن
علينا تذكرينا وزورينا هنا بالمنتدى...خخخخخ
امممم .. اظن اني زودتها ...وخلصت حبر المنتدى
بس ان شاء الله ربي يوفقك..
واذا تبين اي سؤال..أسألي وان شاء الله اقدر اجاوبك عيله
يلا بالتوفيق يااارب للجميع