رد: كـشف بأرقـام مـدرسي طــلاب الأنتسـاب/جـمـيـع المواد
اول ترم دخلت الجامعه كان عندي مادة تحليل كمي سألت الشباب اللي قبلي بالماده خوفوني منها قالو صعبه وقالي واحد اعرف مدرس في جده يعطي الماده هذي الصراحه تشجعت ورحت جده كله علشان هالماده مع انه كان في اختبار مناطق واقدر اختبر في الرياض بس قلت بروح علشان هالماده وبروح للمدرس ... المهم رحت هناك ورحت للمدرس وعطاني 3 ساعات بـ 500 ريال قلت ماشي ( للاسف حملت الماده )
الترم اللي بعده صار عندي نفس الماده قلت بختبر في الرياض ومابجيب مدرس ولا حاجه لاني تعقدت وانقهرت مدرس ومصاريف واخرتها حملت الماده ... المهم اختبرت في الرياض وذاكرت من نفس شرح ومذكرة المدرس المهم ليلة الاختبار اتصلت على المدرس اللي عطاني الماده خصوصي في جده قلت بسأله عن الاشياء المهمه يمكن عنده خبر اتصلت عليه وقلت له اني قاعد اذاكر من نفس شرحه ومذكرته وبكره امتحاني ( قالي دا المنهج تغير يبني ... هههههه انصدمت وقفلت الخط الظاهر حتى من دون لا اقوله مع السلامه ) المهم اختبرت ثاني يوم على الله وعديت وجبت درجه حلووه
( اللي بوصله ان الجامعه حظ ونصيب فيه ناس تذاكر وتحمل مواد بالكيلواات وفيه ناس على البركه وتجيب احلى المعدلات )
اعــــــــــقــــــــــــــــلها وتوكل .....
تحياتي
|