[الملاك الأبيض]

صبااحكم سكر وطيب وعنبر

بالنسبة للمواد الادبية من خبرتي المتواضعة بكتب لكم كيف كنت اذاكرها لانو أخذت مادتي الدراما والبويتري من قبل .

بالنسبة لمادة الدراما كانت برضو مع ميس ايمان بوترعة وللامانة كانت راائعة جدا على صعيد الشرح وكذلك الاسئلة وان شاء الله مع منهجكم الجديد تكون بنفس روعة اداءها ..
طبعا المادة عبارة عن مسرحيات معكم ثلاث مسرحيات تقرأوها وتترجمو الكلمات الي تحتاج ترجمة ليسهل فهم المسرحية .. وبعدين تروحو تقرأو التحاليل الي نزلوها البنات من النت اطبعوها عندكم واقرأوها واكثر موقع تركز عليه ميس ايمان هو ايه نوتس . فركزو عليه . اقرأو التحليل وخذوا فكرة عن تحليل كل شخصيه ودورها وتحليل السومري والقصة ككل . هذي القراءة المبدئية وطبيعي تحسو بتشويش لاول مرة او صعوبة . لكن بعد ماتبدأ الدورة التأهيلية راح تشرح الميس كل مسرحية وتعطيها حقها بالشرح وبالتركيز على نقاط معينة . دورك هنا انو تركزي على هذي النقاط وتأشري عليها واعرفي انو اكيييد راح تجيب منها في الاختبار . والحلو في ميس ايمان لما تقول هذا مهم اعرفو انو راح تجيب منه وفعلا في الاختبار ماتخرج عنه .. فالمعلومات الي تذكرها جداا مهمة .. ثاني شي احنا الترم الي فات قبل ماتبدأ بكل مسرحية كانت تعطينا نبذة عن الكاتب وعن العصر الي عاش فيه وتقارن بين العصور الي عاش فيها كل كاتب من الكتاب الثلاثة .. واعطتنا ملفات عن هؤلاء الكتاب لأخذ نبذة ولمحة عن حياتهم وكانت مطلوبة معانا هذي المعلومات في الاختبار واجت على شكل اختياري .. وإن شاء الله لو طلبتها منكم انو تعطيكم الملفات بدري حتى تقدروا تعرفو هالمعلومات بدري .. سألتي كم مرة تقرأي التحاليل حتى ترسخ ؟ كحد ادنى ثلاث مرات يبغى لك تمشي عليها >>وطبعا قدرات الناس واستيعابهم يختلف من واحد لاخر لكن حطي في بالك انو كل ماقريتيها اكثر كل مارسخت المعلومات اكثر وكمان كل مرة تفهمي شي اكثر .

اختبار الدراما كان عبارة عن اختياري عليه عشرين درجة كان عن الملفات الي اعطتنا اياها عن الكتاب والعصور الي عاشو فيها وخصائص كل عصر , كانت الاسئلة اختياري على هالقسم ..
وبعدين جابت لنا اسئلة مقالية كانت تسأل عن كل مسرحية مثلا البطل الفلاني ليه تصرف بهالطريقة واكتبي الجواب لايقل عن 8 اسطر مثلا .. وبعدين جابت ايساي ماني فاكرة كم ايساي بس اتوقع جابت اثنين كحد ادنى وكانت تبغى ايساي بمقدمة و3بودي وبعدين خاتمة . وتطلب انك تتكلمي عن نقطة معينة . مثلا لماذا انتهت القصة بهالشكل وهل لها علاقة بخلفية البطل ؟ يعني اسئلة كذا وانتي طبعا تكوني فاهمة القصة تماام ومارح يكون صعب انك تلاقي كلام تكتبيه فلا تخافو من هالناحية . وميس ايمان صراحة رائعة فيما يخص الدراما واهم شي تركزو معها في الكلاس وتركزو على كلامها وابدو بدري في موادكم وان شاء الله موفقين وفالكم اعلى الدرجات


ثاني شي مادة البويتري .. مع ميس سهام اخذتها وهالترم راح تكون مع ميس خديجة لاشك الاسلوب في الشرح يختلف ولكن اسلوب المذاكرة اتوقع راح يكون واحد .. اقرأو الاشعار وضروري تترجمو الكلمات الصعبة حتى تفهمو القصيدة وبعدين اقرأو التحليل تبع كل قصيدة وافهموه وفي الاختبار جابت لنا ايامها اختياري وكمان ثلاث ايساي وطلبت نشرح 3 قصائد . كانت طريقة الشرح بكتابة العناصر لكل قصيدة ومن الكاتب وفي اي عصر وغرض القصيدة وموضوعها واسلوبها ..الخ من عناصر الشعر .. طريقة ميس سهام كانت قبل كل قصيدة تقول الكاتب للقصيدة والعصر الي عاش فيه حتى تعطينا فهم اكثر للقصيدة وسبب كتابتها بهالشكل .. كانت هالمعلومات مو مهمة ولكن كفائدة وكان اهم نقطة في الكاتب اسمه والعصر الي عاش فيه ..


موفقين يااارب . اتمنى اكون افدتكم بشي واعذروني على الاطالة ^^