رد: بنات تبغوا تسوو جداولكم ,,,مالنا الا نسوي احتجاج
طيب يابنات كمان لازم نفكر بعقلانيه اوكيه نحنا يمكن غلطانين
اول حاجه يقول القسم كبير طيب ,,,هما ماشاء الله كثير بس بعضهم مالهم داعي يعني مدري ليش متمسكين فيهم لا شرح ولا اخلاق
الحل انو الاستاذه الي مو كويسه و ماعليها اقبال شيلوها وجيبوا غيرها يعني مو معقول بعض الاستاذات يالطيف مدري على ايش شايفه نفسها ومعبسه وحالتها حاله,,,هنا يجي البند اللي يقول توفير البيئه الملائمه لطالب طيب بكذا اختل
الشيء الثاني طيب فيه استاذات على درجه عاليه من المهاره في اعطاء المعلومه و على قمه عاليه من الاخلاق وافتكر وحده منهم زي أ.منى صابر الله يسعدها,,,طيب الاستاذات الاكفاء ليه تشيلونهم واللي شينين معمرين في الجامعه وذا مو من مصلحه الجامعه بصوره عامه
الشيء الثالث ان الدكتور محمد على نياته يحسب الناس زيه,,,مادري انو الاستاذات يلعبون وماهمهم
همهم الوحيد فعلا انو صايرين يزعلوا ليه انا اخذ في الشعبه طالبات كثير والاستاذات الشريرات محد يبغاهم علشان كذا بعض الاستاذات اللي كانو كويسات تغيروا الى الاسواء
طيب هما ماراح يحلو المشكله كذا شيلوا اللي مو كويسين ويتعدل القسم
طيب الشيء الرابع انهم اصلا مافكروا يفهمونا اش اللي حاصل تقولوا زي يطردونا من مكان لمكان ,,,والجمله اللي حافظينها السيتم ايش؟ عطلان ممتازين
طيب عندكم مشكله اكتبوا مابتسوون شيء اتكلموا مو رايحين جايين زي الاطرش في الزفه
الشيء الخامس طيب وش تفسرو كلام البنات اللي سمعوهم وهم يتكلموا ويقولوا ماراح نمسك اوراق البنات الا لين يقفل السيستم من عندهم
طيب ماعندنا اعتراض سوو اموركم على كيفكم بس بشرط نختار الاستاذات اللي نبغى مو اللي انتم تبغوا وتعبوا الشعب على الاساس ذا هذا اذا فعلا نوايكم حسنه,,,اقصد الاستاذات مو كل وحده جايه بفكره جهنميه قال ايش خلو السيستم يقفل وبعدين نظيفهم وين نحنا العالم تطور وحنا حتى جداول زي الخلق مانقدر
واللي فاقع مرارتي على ايش يشوفون نفسهم بس زي كذا دايم طبع السعوديات الا من رحم ربي
واقولكم شيء احسن يريح روسكم مره ومايصير فيه مناقره بين الاستاذات جيبوا من الامريكان والبريطانيات يمسكوا القسم من الرئيسة لين اصغر استاذاتهم وبكذا يعم قسمنا العلم والتعليم بقلب وماينظرون للمهاترات اللي مالها داعي,,, شعبتك طالباتهم قليل وقلة العقل اللي تيصير
وفكونا من الصياح ودوخت الراس
ماقول الا صبرا جميل والله المستعان على مايصفون
|