[أبو فاتن]

المشاركة الأصلية كتبت بواسطة الاسد88 انا رحت لهم يوم الثلاثاء الماضي وقالوا غيرت الحالة الدراسية عن طريق الاوديوس ؟ قلت لهم : ايه ! قالو خلاص ما يحتاج تغيرها عن طريق الشؤون التعليمية .. ورحت لموظف اخر وسألته نفس السؤال وكانت اجابته نفس اجابة الاول .. والله يا اخوان اننا في حيرة من امرنا لاننا بعيد عن الجامعة .... يعني نسافر لهم ثانية ؟ ولا وش الحل ؟؟ وعن عدد الساعات ارى ان الصحيح هو 128 ساعة تكفي للتخرج نظرا للخبطة اللي مسوينها .. الله يعيين .. المهم نشكر صاحب الموضوع وندعوا له بالخير في ظهر الغيب لانه خدمنا وفتح الباب امامنا للمطالبة بحقوقنا .. ونرجوا من الجميع اعطاء الموضوع حقه وعدم الدخول في مهاترات لا تسمن ولا تغني من جوع .. مع العلم بان كل الاطراف لم تسئ لاحد ولكن الشيطان لعنة الله عليه كان شاطر فلا تجعلوا له طريق ... وفق الله الجميع

هلابك أخوي

فعلاً الله يعينكم والله ما باليد حيلة لكن إن كنت تبي شوري خلك على كلامهم لا باكر ينشبون لك

أما بخصوص الموضوع والله كل الفكرة إني كنت ناقل فقط سواء هم صادقين أو كاذبين هذا مو ذنبي اللي صار قلناه وبالصور

كان بأمكاني أنا وأخوي راؤول نكتم على الموضوع ولا كأن شي صار بس حبينا غيرنا يستفيد والا حنا وش خسرانين

بعدين وأنا أخوك ترى ماتفرق 3 ساعات ,, اللي مو مرتاح ياخذها ويريح راسه

عموماً أرجع وأقول نفس اللي قلته في بداية الموضوع

يا شباب والله العظيم هذا اللي حصل معاي بالحرف الواحد بس بعد أنا أقولكم لا أحد يعتمد على كلامي اللي يبي يتأكد يروح بنفسه ويتأكد لأني من هاللحظة أنا غير مسؤول عن أي أمور تستجد أو تختلف كل السالفة أني حبيت أنبهكم

الله يكتب لكم اللي فيه الخير ويوفقكم