[abukaled5]

السلام عليكم ورحمة الله وبركاته

لله دركم جميعا

اخوي soft والله انك أخذت ما يجول في خاطري وهذا اكد لي بأن قلبك ع القسم وعلى ان نكون على فكر ومستوى عالي وان نطلب بما يستطاع

وبالنسبة للدورة التأهيلية ما هي من القسم ولا لرئيس القسم فيها اي يد أتمني الجميع يعرف الشي ذا

والمفروض منا الان والواجب علينا إنا نحمد الله على كل حال ونحمد الله ان اسماء الدكاترة نزلت بدري وهذا سهل علينا اشياء كثيرة وريحنا كثير ونبدا نذاكر من الان ونلخص المهم ونحفظ ونجد ونجتهد ونحضر الدورات التأهيلية وحنا فاهمين وش المنهج وتكون الدورة لتحديد المهم والسؤال عن الشيئ الصعب والغير مفهوم

وبكذا نكون حنا المستفيدين لان الوقت هذا من صالحنا حنا

وإن شاء الله الكل هنا فيه الخير والبركة والكل راح يقدم اللي يقدر عليه

والله يعطيكم العافية جميعا