حيــاكـ الله يــا ماجـد
من ناحية المحذوف فانا أقولك لا تتأمل كثير انه يكون هنالك شيء محذوف من الكتاب . خصوصا انكم تدرسون 6 فصول فقط .. وفي الغالب مواد المستوى الثالث والرابع ... مايكون فيها محذوف
وبعدين العالم بدأت تذاكر من شهر تقريبا وأنت توك بتبدأ ..
وهذي بعض النصائح اللي اقولها لكل طالب منتسب في المستوى الثالث والرابع ..
فبصراحه أقرأ الكثير من الطلاب يقولون لا تذاكر لان الأسأله تأتي من خارج الكتاب وبصراحه أستغرب من هذا الكلاااااام ..
من يقول ان الأسأله تأتي من خارج الكتاب فهذا غلطااااااااااااااان .. صحيح أنها لن تأتي بالنص من الكتاب ولكن تأكد انك ماراح تقدر تحلها الا أذا ذاكرت الكتاب .. بالنسبه للريدنق تأتي قطعه من خارج الكتاب ولكن كلماتها قريبه من كلمات المنهج حقك ولكن الموضوع مختلف .. بالنسبه للسنينق ليس كل الأختبار سماعي .. جزء منه سماعي والجزء الاخر يسألك عن مفردات .. اما مايخص الرايتنق ينقسم الى جزئين الجزء الأول عباره عن قواعد الكتابه وعن الفكره الأساسيه (main idea ) وممكن يجيبلك قطعه فيها أخطاء كتابيه وقواعديه وأخطاء فواصل ويطلب منك أستخراج عشر أخطاء من القطعه .. والجزء الثاني عباره عن برقراف .. الجزء الأول عليه تقريبا 65 درجه والثاني تقريبا 35 درجه .. في كل ترم تسمع الطلاب يقولون لا تذاكر البرقرافات اللي عندك في الكتاب لان الاختبار يجي من برى وأنا اقوووووووولك لاتصدقهم أبد أبد أبد .. لأن فيه استراتيجيات مختلفه للكتابه فمثلا اذا جيت تكتب لصديقك رساله وتدعوه للمجيء الى بلدتك لها أسلوب مختلف عن لما تكتب عن قصه حقيقيه وقعت لك . وتختلف عن موضوع مقارنه بين صديقين او شقتين او مدينتين .. وكذلك وصفك لمزايا صديقك وعيوبه مثلا .. في الأختبار ما يجيبلك نفس المواضيع صح ولكن يجيبلك موضوع يحتاج واحد من الأستراتيجيات اللي موجوده في كتابك فمثلا فيه موضوع يجب ان تبدأ بجمله عامه ثم تبدأ في التخصيص وفيه موضوع يحتاج العكس . في موضع يحتاج الى ترتيب زمني للأحداث وفي موضوع ما يحتاج .. وفيه موضوع يحتاج الى ذكر المشكله ثم ذكر الحلول .. وهكذا
فمثلا يجيبلك في الأختبار موضوع عن مقارنه بين مدينتين ..طبعا في الكتاب مافيه موضوع مقارنه بين مدينتين فيه موضع مقارنه بين صديقين او سيارتين او شيء مثل كذا انت تعرف انك تكتب برقراف مقارنه وتتبع أستراتيجياته وهكذا .. سبق وانه جاني برقراف عن أسعد يوم في حياتك وهذا يعني أني راح اكتب عن قصه حقيقيه وراح اتبع استراتيجيات القصه الحقيقيه وهكذاااااا....
بالنسبه للمذاكره فأولا أنصحك انك انت تترجم الكلمات اللي ماتعرفها ولاتشتري ملخص مترجم أو تذهب لأحد المدرسين الخصوصين يترجملك لان الفائده من المذاكره هي الترجمه والحفظ .. انصحك تبدأ في الريدنق وبعده اللسنق وأخيرا الرايتنق وأجعل الفرنسي اخر ماده تذاكرها لانك راح تذاكرها على شكل طلاسم ولو ذاكرتها من الحين راح تنساها ...
شد حيلك للاااااااخر في المستوين الثالث والرابع لأنها مغريه في رفع المعدل وتعتبر سهله جدا ..
في الختام
أسأل الله لك ولزملائك التوفيق