[THE HILL]

طيب يعني كل محاضرة تاخدوا معلومات كتير ؟ انا عارفة المواد شوية كتيرة وطويلة بس اقدر لما ارجع البيت على الاقل اقرأ المحاضرات بس ؟ انا ماابقدر اراكم المادة لاني مااقدر ازاكر الماده يوم الاختبار

صراحه 90 % من دكاترتنا اللي درسونا خلال سنه ثانيه ممتازين ودرجه اولى ما شاء الله
و10% متمكنين من الماده بس شرحهم يجيب النوم يعني اللي تجلس الصف الثاني " تنام او ترسم "


المحاضرات بيشرحو ويفصفصو كل حاجه " بعض المحاضرات معلوماتها قليل وبعضها كثير وفي المتوسط "


بالنسبه انك تقرأي " يمديك كقراءة بس لا تحاولي تفهمي والا حتضيعي راحتك " خميس وربوع وجمعه اجلسي ع رواقه وافهميها

المواد اللي ذكرتها لك " اورقنك او بايو او فيزيولجي " يوم ما تاخذي محاضرتها اقريها

بعض المواد زي الاناتومي مثلا ما تتذاكر اول باول وزي السيوتكس وزي الهستولجي
حتتهلكي :(
يعني ممكن بين فتره وفتره
خصوصا انو في البدايه حيكون دوامكم الين 5 فحترجعي تنامي والا تتغدي والا تذاكري

فالقراءه حل وسط :)

يامصيبتي 12 سااااااعة

خخخخخخ بس حتعجبك لما تجيبي درجه حلو فيها ان شاء الله

المادي دي تعتبر ماديتين زي ما قلنا
كل 15 درجه" في المادتين سوا " تنزلك " تقدير " يعني مثلا من A+ لــ A

وهذا الحلو فيها ع قد ما تغلطي تتحسب غلطاتك ببوينتات بسيطه غير انو اختباراتها اسئله كثيييرة عليها درجات قليله " البنات يتضايقو منها بس والله عرفنا اهميه كثرة الاسئله وقتها لانها بتساعدنا كثثير "


ابدا لا تخافي منها بس اللي درستنا سافرت :"( وحجيبو وحده بدالها ان شاء الله تكون كويسه :)

طيب انا من النوع اللي بيزاكر اول باول __ ابدا ماعرف اراكم المواد فوق بعض اختي طب بشري سنة تالث ودحين داخلة على رابع بصراحة بيني وبينك بشوفها طول السمستر صح تزاكر بس ماكأنها طالبة طب !تقرأ بس مااتزاكر __ وكمان نص المواد اللي يعجبها بس يعني انا تحضيري والله بزاكر اكتر منها !!! بس تعالي شوفيها قبل الاختبارات بشهر والله ماتنام في اليوم الا 5 ساعات بالكتير وتزاكر ليل نهار __ حتى الفطور ماتفطر انا اجيبوا لها ههههههههه يعني احيانا من العشاء ل 5 الصباح ماتتحرك مكانها ! انا بحزن عليها واقولها خلاص يكفي مزاكرة طز في الدراسة ههههههههههههههه هيا من النوع اللي طول السمستر عادي ماتشد حيلها ولاتتعب نفسها بس كرفها في الدوام وبس لكن ايام الاختبارات تكرف من جد قلبا وقالبا ولاتنام ولاحتى تاكل وتنحف وتنقلب البنت

هههههههههههههههههههه عادي طريقة اختك نعملها احيانا بس في مواد اكلنا فيها تععب عشان الاهمال :( ... لاننا راكمناها بشكل مو طبيعي بس تأدبنا بعد الدرجات وشدينا حيلنا

بصراحة انا مو كدا ابدا يعني مااقدر كدا اكرف نفسي واجلس 10 ساعات مكاني ازاكر ولاانام ولاشي بالعكس ايام الاختبارات اقل شي 6 او 7 ساعات انام وارتاح وماابشوف صعوبه لاني بزاكر اول باول بس مااعرف هادا الشي يمشي معايا في الصيدله ؟

ممممم شوفي اذا انتي متعوده ع هذا الشي فكويس " بس اخاف تتطفشي :( "
يعني ترا كل يوم محاضرات محاضرات غير عن التحضيري
مو 3 او 4
احنا بندرس من 8 لــ 1 او 2 " محاضرات بحته

فلازم تختاري اثنين او 3 اصعب المواد بالنسبه لك انت وتركزي عليها اول باول والباقي تمشيه ويكند او اسبوعين قدام

يب كلمتني اختي عنها __ مرة حلو بايولوجي مع كيمستري احلى مادتين مع بعض << ومتحمسة للمادة هادي وان شاء ادا ماانقبلت صيدله او مختبرات راح اتخصص كيمياء حيوي __ عارفه في السعوديه مالوا مستقبل بس على الاقل ادخل حاجه احبها وابدع فيها

الحمد لله الحمد لله انو هذي الماده " شرحولنا هيه دكاترة ممتازين صراحه ماشاء الله
لكن الطب عانو منها كثير وقالو صعبه
مع اننا احنا بناخذ اكثر منهم وع سنه كامله وهما اخذوها ترم واحد بس


لا ان شاء الله تنقبلي ,, البايو احلى ماده مرت عليا صراحه لدرجة اني اشتريت كتابها ورجعت له ثلاث مرات اقرا فيه

الله يستررررر بس اتوقع قصدك فسيولوجي ؟ يب كلمتني اختي عنها بس اكيد نحن مو نفس الطب ؟

الناس تخاف من اورقنك جيتي ع الفيزيولجي المسكين
انا اكتبه حسب ما يتنطق :(


الطب نظامهم موديولز مدري بلوكات
احنا الماده ناخذها طول السنه وكل كورس نخلصه نختبر فيه كويز من 10 درجات
اختبارها كلو اختياااري يعتمد ع فهمك مافيها essay ابدا

انا قلت اهملناها يعني طنشناها مو صعبه " احسها اذكى ماده مرت عليا من جد تحتاج فهم مزبوط"

في الترم الثاني قلت خليني اهتم فيها واديها وجه " عليها 6 ساعات "
والله بس كل ما نخلص محاضره ارجع اقراها او اكتب مع الدكتورة في المحاضرة وهيا بتشرح
ما نقصت فيها كثيير " بعكس الترم الاول "

كل اختياري بدرجه عشان كذا قلت لك لا تتراكم واهتمي فيها

فصراحه حبيتها ف الترم الثاني لاني بجد فهتمها

يب يب وصلت ههههههههههه طيب الشيتات هل هي واضحة ؟ يعني في المحاضرة الدكاترة بيفهمونا ونخرج ونحن فاهمين من الشيت ؟

يب يب " بس شيت من غير محاضرة ما تفهمي ولا حاجه " الا نادرا

وهادي الشيتات ياخدوها من كتب ولا كيف ؟

يب هيا تلخيص الدكتورة من كتاب " المرجع الاساسي للطالب هذا الكتاب "
بس الاسئله ما تخرج عن الشيت + المحاااضرة مههمه جدا لانو الدكتورة بتشرج نقاط في الشيت هيا حاطها كرؤوس اقلام فتكتبي معاها

وفيه مواد افضل اقرأ ازاكرها من الكتاب من نفسي ؟ انا لغتي الحمدالله كويسة

يب عندك الانااتومي من كتاب هوا والهستو و السيوتكس عشان المسائل

الكتب كمرجع اما اذاكر منها حنموت ههههههه ما يمدي اصلا

الشيت مناسبه ,, الكتب اتسلي عليها اذا فضيتي

+ اليوتيوب حقيقي فااادني كثثثير ووضح لي سطور في الشيت كانت طلاسم بالنسبالي ,, اشياء ما افهمها احيانا او اسرح ف المحاضره فارجع لليوتيوب ويشرحلي هيا واصير اطلق من الدكتورة
ونفيد بعض احنا وصحباتنا

+تعلمت ابحث اي شي بالانجلش بدل العربي ,, اقرا ع سايد افكت لامراض .. مواضيع كانت تجذبني وما تنشرح عشان ما يحتاج نتعمق فيها " النت افادني وتعرفت عليها اكثر "


فحقيقي الشيت ممكن يكون مصدر درجات ومرجع لسنواتك القادمه بس لازم تكوني مصدر معلومات ممتاز بالنسبه لقرائتك والنت اللي بين ايدك ,,

انا خوافة يعني اي شي ماافهموا ابكي ويمكن تجي في بالي فكرة التحويل بس احب الصيدله مااتوقع اني بتنازل عنها

خخخخخخ يووه اتحدى وحده عدت الكليه او سنه ثانيه وهيا ما بكيت وكل وحده اختلف ظرف بكائها ع الثانيه فجدا عااادي .. اختاري صحبات تحسيهم يعاونوكي يعني اذا جات فكرة التحويل يقولولك " كلام يخليكي تبطلي " هههههه

مو بس احنا حتى صحباتي ف الاسنان والطب والمختبرات والتمريض فكرو يحولو


البددايه حتكون غامضه لكل انسان , بس يقدر يعديها وما يضعف بسهووله ابدا خصوصا لو الناس بدؤو يتشمتو من تخصصه " القوي يصمد وبييناا الايام "



*

ترا كلامي اللي كتبته لك ما طبقت بعضو الا الترم الثاني وحسيت بالفرق " بالدرجات والاستيعاب وحاسه اني فاهمه ايش بدرس "

+

وتجربه بنت عندنا ف رابعه الله يسعدها شرحت كل ماده كيف تتذاكر بملف " Pdf " حنديه السنه الجايه لدفعه 12 ويتوارثوه الاجيال

كنت بحطه كرد بس ما رضي ينزل > مستعجله