رد: لللضرووووره ي إخواني وأخواتي (الحححححاسب)
اولا مافي مواد مشتركة بين الحاسب والتمريض تانيا مافي تحويل من الحاسب للكليات الطبية تالتا المواد المشتركة الي هيا متطلبة في كل التخصصات الي هيا العربي والثقافة هيا متطلبة وليست مواد حرة واهم نقطة في الموضوع دا كلو لاتسمعي كلام اي احد يقلك تقدري تحولي انا اقللك هيا وانا عارفة مررة تمام مافي تحويل من الحاسب للكليات الطبية كلها سواء تمريض او غيرو وحتى لمن فتح التحويل في الاودس ما أتفتحت الكليات الطبية ماعندك غير واحد من اتنين اذا عندك واسطة حتمشي امورك تمام ماعندك غير تتسكني علوم على حسب قولهم انو مفتوح ومسموح تحولي من علوم لكلية طبية بس مهو مضمون ولازم معدل مرة عالي لأنو الافضلية للكليات الطبية يحولو بين بعض وكتتتييير غيرك يبو يحولو بس على حسب توقعاتي والطلبات ع التحويل التمريض اقل شي مطلوب واسهل بكتييير في التحويل من الطب وطب الاسنان والصيدلة والتخصصات الجامدة هادي لأنو التمريض قفل على نسبة نفس نسبة الحاسب الي قفلت علي تقريبا ع العموم يعني في الجامعة مافي شي مضمون وماتقدري تاخدي منهم كلمة معليش ع التحبيط لكن هادي الحقيقة المرة للأسف الشديد
|