[Dr.candy]

انا بحكيكم ايش راح يصير لكم من اول سنة وبقلكم شيء من تجاربي ..

التمريض مرررة تخصص حلو .. شوفو انا زيكم كان نفسي في طب بس حبيت التخصص

سنة ثانية الترم الاول ..

سنة حلوة راح تحسي مع المواد انك تدرسي زي الطب بس على قدنا
راح تتعلمي في ماده اساسيات التمريض اشياء حلوة

كيف تغسلي يدك بطريقة بروفيشنال عشان دا الشيء يساعدك انك تحمي نفسك من الميكروبات والعدوئ
راح تتعلمي كيف راح ترتبي سرير المرضى ودا الشيء مو عيب .. افتكر اتأثر علينا في الغرفة صرنا نعرف نرتب السرير تبع نومنا

راح تتتعلمي كيف تضربي ابر وكيف تدي الادوية في الزمن الصحيح للمريض الصحيح بطريقة صحيحة

راح تتعلمي كيف تحممو المرضى تعرفو في مرضى ما يقدرو يقومو ومرة يحتاجلهم نظافة عشان احنا بنخاف عليهم وما تعرفو قد ايش يفرحو ويدعولك ..

انا افتكر اروح لماما اقولها " ياماما مررة كسبت دعوات ليكي وليا اليوم "

راح تتعلمو العملية التمريضية .. وكيف تكتبو في الملفات وتشخصو بس بالطريقة التمريضية



الترم الثاني في سنة ثانية ..

تعتبر مرررة حلوة ومرة مهمة لانو سنة ثانية سنة تبني فيها شخصيتك وكيف راح تتعاملي مع المرضى وتتكلمي معاهم ولا تنسي انو انتي الي تغيري وجهة المجتمع ليكي
بشغلك وبأدبك وباحترامك وطريقة التعامل مع المرضى

راح يعجبكم شغل المستشفى خلاص كل شي الي اتعلمتو في الترم الاول راح تتطبقوه بس مو لحالكم
معاكم ممرضة والدكاترة وراح يكونو معاكم خطوة بخطوة ..

وتحسي نفسك كده رزة وحركات كأنك ممرضة من جد شغل ..

المستشفى .. عالم غريب .. اعتبريه كأنك في مووول .. راح تشوفي اشكال والوان بس اهم شيء انتي نفسك حالك في حال نفسك ..

اذا في ايا معلومة ايا شيء اسألي الممرضة او الدكتور او الدكتورة وكلنا نكمل بعض في المستشفى
لانو كلنا يهمنا رعاية المريض اولا واخرا ..


نصيحة مني :

1- لا تعبو نفسك في كلام نظرة المجتمع وتسمعو لهم وتخفضو من عزيمتك ..
خلي يكون عندك اصرار وعزيمة ولا تحطمي نفسك ابداَ
ما اقولك ان المجتمع نظرته حلوة في منهم كدا وفي منهم لالا
بس مستحيل تتغير النظرة من يوم وليلة بس زي ما قلتلكم انتو تغيروها بيدكم انتو ..

2- خليكم شوية فيكم لقافة اعرفو عن كل شيء بيصير
فتحو مخكم اشتركو في نشاطات القسم ونشاطات الكلية خليكم واعين اكثر ايش بيصير
هذا الشيء يخليكم تحبو اكثر التخصص وتتعرفو على اشياء كثيرة .