[wed0o0]

hi girls
كيفكم وشو اخباركم ..! ان شاء الله بخير ومبسوطين بالاجازة
ما ادري كيف ابدأ بالموضوع..
لي كم يوم افكر اني لما كنت احضر المحاضرات كنت اشوف اكتر من بنت بتدخل وتخرج وما معاها احد وبتكون وحيدة و في بنات حفظت اشكالهم مافي احد معاهم حتى لما صدفة اشوفهم بالممرات يكونوا لحالهم
بصراحة انا اول ما دخلت الجامعة كان عندي صديقات بعد كدا حولو البنات على انتظام وبعضهم سحبو وبعضهم اتخرجو وبعد فترة صرت زي البنات اللي كنت الاحظهم وحيدات صرت وحيدة وكنت كل ماحبيت اتعرف على بنات ماادري بعضهم كنت احسهم يهتموا بالمظاهر وبعضهم خلاص مكتفين بشلتهم مابدهم يدخلوا احد غريب ع المجموعة
بس الحمدلله هالسنة اتعرفت على بنت طيوبة وحبوبة وماهمها المظاهر ولا شي
بصراحة كمان الفترة اللي كنت اروح الجامعة فيها لحالي (تقريبا سنة) صرت افكر انه مو مهم يكون عندك عددمن الصديقات قد مايكون عندك صديقة بمعنى كلمة صديقة خاصة انه الصداقات في مرحلة الجامعة مو زي ايام المدرسة ايام الطفولة والعفوية والبساطة ايام (المراييل) اللي مايبان فيها فرق بين البنات
المهم
حابة اعرف احد منكم عاش هالشعور او لسة بيعيشه
مو ممكن نصير صديقات في الجامعة زي مااحنا في المنتدى

تحياتي