[صوت الفجر]

ديوان سعد بن علوش ,,,, (تــــــضيق نــــفسي) تضيق نفسي لين يشره علـى قلبـي فمـي و أنا أترجّى في أمنيات الحلـول المزمعـه لا يبن أبوي شلون محتر و أطغي و أحتمي و الوقت لا منّه زما راس حضّـي يقمعـه أن جيتها في الاصدقا أوف يا وفـرة دمـي كم و احدٍ خلاّ جميلي علـى راس أشمعـه مانيب متحسّف جعل مـال جافينـي سمـي لان أدري المحراب ما هوب مثل الصومعه تتغثبـر الدنيـا و لحظـة صفـوّ الأدمـي اليا سجـد الله و سقّـت دموعـه مدمعـه وأنا أدمعت عيني وما اكميه عـاده منكمـي بين أنتظام عروق قلبـي مسـوّي معممعـه ياوجد حالي و أنكساري و غيبي و عدمـي وجود من جمّع حلاله و ضاع اللي أجمعه المشكله مـا هيـب نفسـي وزلاّت قدمـي و ما هيب بحّة صوت أحبّه و لا عاد أسمعه المشكله لا جات من بيـن دمّـي و لحمـي مدري من أخلّي و لا أدري من اوقّف معه مرتبة الشرف تضيق بي الدنيا بكبرها من معابيـس الوجيـه و هذاك لا منه تبسم.. شفـت للدنيـا طـرف مني وليه احببته وهـو حبنـي منـه و ليـه من غير لانا اعترف و من غير لاهو يعترف ليه اتحاكى وكل ابوي يعرف غاية كـل بيـه ال يا فرح أفرح و دمعه لاذرف دمعي ذرف اغليه يعني اعشقه , اعشقه يعني اموت فيـه يعني انا ميت مع عشقـه و مرتبـة الشـرف ميت و يعشق و السبب مافي داعي اني احكيه الغيد في الدنيا هواه وهـو لحالـه محتـرف الشامخ اللي لقبل و حضن يديني فـي يديـه تراعدت فرايصـه بالغنـج و تساقـط تـرف أمشي معه من غير لا اين ولا كيـف وليـه من حيث ما يجرفني اغمض عيوني و انجرف ان قال لا اقول لا ان قـال ايـه اقـول ايـه ماعرف مسمع ما ارى ما ارى مسمع ماعرف الـي اعرفـه انـي ابيـه يتجملبـي و ابيـه وكان العدل في صدته سجلني اكبر منحـرف يغفرلـي الله و الله يديمـه و يرحـم والديـه علمني ان البعد نكست حال و الصـده قـرف (كــــــرت زيـــــاره) قال : أبا اشوفك ؟ سكت شوي , قلت : اشزينه موعـدٍ معـك أنـت لايمكـن علـيّ إنكـاره بـس لاحـظ إن قلبـي لـو جفـو غاليـنـه مـا جعلهـم عرضـة النقـاده الثـرثـاره!! قال : أنا أدري .. و الله يوقْف معـه و يعينـه قلبـك إلـى حـط أعـداءه علـى أنصـاره! قال:باكـر.. قلـت بكره(غـد).. يـا تانينـه كلهـا ساعـات ويبـوح النـهـار أســراره المهم.. أصبحت صبـحٍ مـا عـرف تكوينـه صبح من نـدرة عصافيـره تصيـد احـراره وآتقهـوى.. قهـوة اللـي مضحكتْـه سنينـه وآخذ اغراضـي معـي.. واشغّـل السيـارة واسرح فـي بالـي انـه فـي حـدا دربينـه يـا قبـل بيتـه ابيّتـيـن.. أو عـلـى دوّاره وليـه ذا.. واقـف معنّـز جسمـه بيدّنـيـه وقفـة اللـي ربعـه تحـبّـه ولا تخـتـاره قلت: ليه انت اتّشاءم انت اتّشاءم والبنادم طينه ينتصـر.. لاحـط ذكـر الله علـى إصـراره قال: أنـا.. مانيـب متشائـم.. لكـن يشينـه لابتـدا عمـرك بصدماتـه ومـوت أزهـاره كنت احسـب ان الحيـاة لسـاره أو ل(لينـه) لين ماتت (لينه).. وفي يـوم ماتـت (سـاره) ظل يبكي.. وانتهز صدري .. وجا مـن بينـه ليـن حسيـت ان كثـر الدمـع فـك ازراره اعملـت فـي عينـي انفاسـه ودمعـة عينـه مثل ما يعمـل بخـار الشـاي فـي النظـاره قمت اضمه وآحضن راسـه ولا ادري وينـه لانـي اعشقـه بمفاجأتـه وفــي تـكـراره كـان يـوم.. يعلّـم الواحـد يوفّـي ديـنـه الفـرح بـه قاطـعٍ للحـزن كـرت زيـاره يالله انـك تقطـع الوقـت الـردي وتهيـنـه كانـه يبكّـي كبـاره مـن غيـاب صـغـاره أخـــــــذيــــني) أخذيني إليا عجبتـك بـس ردينيـي و إن ماعجبتك خلاص أخذيني مابيني ما دامني شفت فيك الطهر و العفـة باعيف نفسـي ليـا منـك كرهتينـي أخذيني لو أعتبر من ضمن أشيائـك و أنـا بحبـك و لا لازم تحبيـنـي لابي علاقه ولابـي نظـره وبسمـه أحساسي أني بقربـك بـس يكفينـي و لو أني انضفت لشيائك غصب عنك طلي علـي يـا غناتـي لا تخلينـي تراي لا جا المصامـد مانـي بهيـن تقـول كـن العـرب لعبـة بيدينـي شخصيتي مـن غرابتهـا و طيبتهـا كن الزمن في تحدي بينـه و بينـي أخذيني الشاعر اللي ما صدق حظـه لا قلت يا حظ وينك ؟ قال : يا ويني أخذيني المبـدع المتفلسـف التحفـه مؤمن و تضحك على العالم شياطيني شهرة شكسبير و أفلاطون و نيوتـن لا قلتلي بيت شعر تطيح مـن عينـي أخذيني العنصر الي صدق متعنصـر من دون ربعي لو أقطـع شرايينـي أخذيني اللي ليا منـه طلـب يعطـا و تكفين لا مـن طلبتـك لا تردينـي تكفين يا غايتـي يـا بهجـة الدنيـا أبحرق قلـوب نـاس مـا تدانينـي أخذيني بكل شـوق و قولـي أحبـه و أن شككوا فيك و إلا في ضمينـي قولي سعد و الله أنـه غالـيٍ جـدا و يا جعل فدوة شبابي و اخر سنيني و أنا بصدق كلامـك و أعتنـز بالله و باقول للناس مـا يعنيـك يعنينـي و أنا علي نذر ما أرخـص جيتـك و أنتي نذر على أرقبتك أنك ماتخليني (لاخـــــــلا ولاعــــــــدم) ردني لك.. موتتـي فـي غيابـك موتتيـن يا محول ضيقتي مـن وجـود إليـا عـدم لا تخلينـي مـا بيـن الثلاثـة و الثنـيـن البكا و السخط فيـك ، وشعـوري بالنـدم ضقت ذرعـاً، يالله انـك تزينهـا .. تزيـن مـن عيـون اللامبـالاة و يديـن الــردم والله ان جرحك بقلبـي كبيـر ولـه حنيـن كبر ملـك الامبراطـور فـعيـون الخـدم الله أكبر يا وليفي بعـد مـا كنـت ويـن.. صار مالي فـي حياتـك ولا موطـئ قـدم ردني لك.. لا خلاص انت رح ، والله يعين: من على شانـك يفـض الجمـوع ويحتـدم خلني لي.. وأعدك فـي مقابيـل السنينـن ماأتمنى صعب.. ولاأعشـق.. ولا أنصـدم أنت ما قصرت يالغالـي وعـذرك سميـن وطول الله عمـرك.. لا اخـلا ولا اعـدم رسوب الأغبياء أن كنت أنا أخطي شي طبيعي لان أنا مانـي نبـي محدن عصمه الله من الاخطـاء .. كـون الانبيـا فعلا أنا أخطي بس ضـوّي ماتشـب الاّ iiأحطبـي أطمح ولولا الليل .. محدن شـاف فايـدة الضيـا أمشي ولو أموت وأنا أمشـي .. ولاكـن ماحبـي ولا أعشق الصوره . ولا الكربون . ولا أعشق غيا كل ماتعثّر ؟ قلت في نفسي وأنـا أمـس iiشنبـي ياكم علـى الدنيـا فقيـر .. ويحسدونـه iiأثريـا أبغا أتوحّد وأنت أخذ مزهبـك وأتـرك iiمزهبـي كنّا أخويا ومن بعـد مازلّليـت ؟ ماحـن iiبخويـا أبعصم رجيلـي عـن دروب السخافـه iiياصبـي لانّي حياوي والدروب السود .. مافيهـا .. iiحيـا تعـال وادعنـي وداع الارض للـحـر iiالابــي أنا بعللّي .. وأن دعيتـك ؟ فالعفـو ... iiللأنقيـا ماني منادي بسمك . اللّي .. ماتسمـوااه iiأجنبـي فن قلتلك .. يا ؟ .. أعرف أنّي حاشمك لاقلت ii..يا يـا؟؟.. والله وبالله وبعـد الله وبــي iiوبسبـبـي صارت شياطين الحروف المستهيمـه ..؟ . iiأتقيـا فن شفتني متعب هجوسي في رسم راس iiالضبي؟ ماهو علاشان أكسب أعجابات .. ريمان .. iiوهيـا لالا . أنـا مخلـوق مبـدع . مايحـب iiومايبـي ألاّ يقول ؟ أن الاذكيا؟ سبّـة . رسـوب iiالاغبيـا من الذكاء؟ أنّـك تسـويّ نفسـك أحيانـن iiغبـي بس الغباء؟ أنّك تذيكالـك .. علـى نـاس iiأذكيـا (يـــالــي غــــرامـــك) ياللي غرامك جاريٍ فـي وريـدي لا .. وش غرامك جاريٍ في وريدي استغفر الله لـو بقـول ان غرامـك ما باقي إلا يطبع اسمك على ايـدي لأنك بصدري و أنت منته بصـدري تطلع مع أنفاسي و ترجع يا سيـدي اليا طلعـت أحـس كنـي أشوفـك و آنقص أنفاسي ذكا .. يا ضديـدي أخاف لا تطلـع و لا عـاد ترجـع و اشفق على شوفتك و اقول زيدي فهل علمت عن جنونـي يـا آنـف انـي لمجنـون النشـاز المجيـدي لبيك يـا سلكـا حملـت الفضائـل أوعـز لصاحبـك بتحريـر قيـدي يعني بحكينا .. لبى و الله عروقـك متى تعيد فـي عيونـي يـا عيـدي ثقفنـي بوصلـك مثـل مـا تثقـف شعار جيلـي مـن ثقافـة قصيـدي لو ضلع عيني حس موطى وصالك لا طاح حيـده و لا طـاح حيـدي تخيل انـي مـن كثـر مـا اتخيـل اتخيلك تدعي و احسب انك ميـدي يا خـي تـرى جننتنـي بالمفـارق جننتني و انـا بعدنـي يـا جيـدي لكن مـع الله كـل بلـوى بخيـره أنا ذكاي مـن التجـارب رصيـدي اذكرني اليا مـن سمعـت بغرابـه اليا سرى فعـروق مخـك جديـدي و أنا بعد لا من ذكرتك يـا غالـي باسجد لوجـه الله و باقبـل ايـدي (بــــري حـــالـــي) بري حالي لا أنتهى العصر و أعلن الإنسحاب وخلّت الشمس الصـداره و مالـت للغـروب و أذن المغرب و ساد الفضاء مثـل الضبـاب وأنتهى و الليل لبـس الأماكـن لبـس ثـوب وردة همومي على قلبـي الصلـب الخـراب وردة حيـام الضوامـي علـى عـدٍ جـذوب كلهـا هانـت و لا هنـت يـا هـم الغيـاب من محبة صاحبك صرت يـا هـم محبـوب أخذ ليلك بأوّله و أكل و أشرب فـي رحـاب قلـب مـن شـدة طهارتـه تجفـاه الذنـوب ايه و الدنيـا مساكـن و رحلـه و أغتـراب والغلا فـي الوقـت هـذا مميّـز بالعيـوب أشمل بجسمي و عدي علـى روس الهضـاب وكل ما ضيعت وجهي دريـت أنـه جنـوب ويش أسوي فيـك يـا عـم تلعـات الرقـاب وأنت واقع و التمعان فـي عيونـك هـروب أنت مجرم حب لا ويش جاب لويـش جـاب أنت عذبٍ عـذّب رجلـي بشـوك الـدروب صرت أهاب التزاحم و أنا مـا كنـت أهـاب وأمشي بكيفك لو إني على المشي مغصـوب صرت أجمع من جروحك و كلماتـك عتـاب وقبل أقول شفيك تجرحني و أستغفر و أتـوب صرت أحسب لناسٍ ما كنت أحسب لها حساب وصرت أكذب لأجل ترضى و أنا ماني كذوب شوف مهما صـار بـي إنحنائـي إنتصـاب ألعب بعمـري و بعثـره بيـدك يـا اللعـوب أدري أن إن الجاذبيـه تسـبـب الإنسـكـاب وأدري إني منسكب و أدري إن أيديك كـوب سلت فرضك و أرتوّتْ بي وفاضت بي عذاب لين حبتنـي قلـوب و تعـادت لـي قلـوب فأعرف إن زولي غدير و حكاياهـم سـراب والمقاديـر الأيـادي و شيـن الحـظ طـوب يعني اليـا مـن رمونـي حقيريـن الجنـاب صار زولي عشرة أزوال و عيونـي قـروب أتعدد لأجـل أداريـك عـن طيـش الشبـاب وآتوحد لين يطغـى علـى وجهـي شحـوب ماني أستاهل كذا منـك يـا وبـل السحـاب لا تبللنـي و أنـا ودي إنـك مـا شــروب ايتني و أدخل في قلبي يا قلبـي بـاب بـاب وأخطر عروقي برجليك يا أسمـر دوب دوب جـل مـن ولـع عروقـي بقينينـة تــراب نوب تضحك من عذابي و تبكـي منـه نـوب لـو لـي دعـوه وحيـده و هـي بتستجـاب قلـت يـا ربـي ليـا مـر خالفـه الهبـوب زوي قلبي كل ما أزويت خصـرك بإنسيـاب و وقف العالم يرد البحر مـن كـل صـوب يا خلاصة شهد و عـذوق مـا لـذا و طـاب يا مغلبني و أنـا مـا بعـد صـرت مغلـوب يـا مسفرنـي لوجهـك ذهـاب بـلا إيـاب يا معـزز بالغـلا يـا مقـدّر يـا محسـوب ايتني و أذهب بـي بعيـد يـا مـال الذهـاب ضمني بيديك أبجمد علـى صـدرك و أروب أنت لـو ضميـت تمثـال مـن ضمتـك ذاب كيف لو ضميت صدرٍ علـى ذكـرك يـذوب يتبع