وعليكم السلام ورحمة الله وبركاته
حياك الله يا اخوي
اولاً التخصص لسى بعيد يا اخوي لإن من شروط الكلية ان الطالب يكمل 50 ساعة
عشان يتخصص , يعني قدامك سنة كاملة ان شاء الله عشان تتخصص ولكن شوف يا اخوي
تقريبا كل شخص او كل شخصين تختلف وجهة نظرهم عن التخصصات الافضل في الكلية
وانا عن نفسي اخالف كلام الاخوان في الترتيب اللي وضعوه , وانا مابي اشتتك واحيرك
لذلك يا اخوي اسهل طريقة في اختيار تخصصك هو حسب ميولك , وانت راح تدرس
خلال الترمين الجاية مواد كثيرة وطبعا هذي المواد من كل التخصصات في الكلية
لذلك لاتستعجل وبعد سنة ان شاء الله انا متأكد انك راح تكون اخترت التخصص
اللي انت تبيه , واخيرا لاتنسى ان الوظائف كلها ارزاق مهما كان التخصص او الشهادة.
بالنسبة للغة التدريس راح تبدأ في دراسة المواد باللغة الانجليزية تدريجياً
بحيث ان اول سنة لك في الكلية تكون تقريباً المناهج 50% عربي و 50% انجليزي
وثاني سنة تكون 75% انجليزي و 25% عربي , واخر سنة تكون 100% انجليزي
لذلك لاتخاف يا اخوي ان شاء الله سهالة وكلنا كنا مثلك والحمدلله بعد مرور
اول سنة تحسنت لغتنا الانجليزية وصارت افضل بكثير من قبل.
اسأل الله لك التوفيق