السلام عليكم ورحمة الله وبركاته
يا أخوان أنا واحد انصدمت الترم اللي فات بكم مدرس خصوصي من المدرسين اللي ملصقين اعلاناتهم على
جدران المكتبات حول الجامعة . شفت اعلان مكتوب عليه ( مدرس انجليزي ماجستير لغة انجليزية خبرة 20 عام )
بصراحة أنا دخت
يوم شفت الإعلان وقلت هذا الدواء اللي فيه الشفاء بأذن الله .
على طول اتصلت على رقم الجوال اللي بالأعلان .. ويرد ذاك الصوت المصري اللي والله أن النصب
يتنطط من نبرات صوته , والدليل على نصبه من رابع كلمة سماني باشا ! وأنا ولد حمايل .
اتفقت معه اني اقابله بشقته , واخذت العنوان , وياليتني ما اخذت العنوان .. لأن العنوان بنيجيريا
بصراحة دخلت دواعيس بحياتي مادخلتها !!
المووووووووهم وصلت بعد مشقه وتعب .. ولقيته واقف ينتظرني عند مدخل شقته .
والا منظره مايوحي ان معه ماجستير ! ولا حتى ابتدائية ! وعلى طول ياخذني بالحظن كأنه يعرفني
من عشرين سنة ! والثوووووم يعطعط آآآآآآآخ يا راسي ما أنسى ذاك اليوم .
لااااا ودخلت الشقه الا وعنده 9 أطفال وكل شوي جايني واحد يقولي عموو عموو , انا بصراحة ماجا
في بالي الا الأغنية حقت الأطفال بابا فين .. وجلست معه اسبوع نساني اللي كنت حافظه من الأنجليزي .
واللي حدني عليه والله اني ما حصلت مدرس انجليزي كلهم مشغولين !
اللي أبيه منكم أنكم تفزعون لي بمدرس يكون صح ماهو مثل المذكور أعلاه .. ودمتم . وجزاكم الله خير .
أخوكم // الفتى