[*زهرة السوسن*]

شريفة مصطفى

المشاركة الأصلية كتبت بواسطة لماذا اسلم للبحر امري؟ السلام عليكم ورحمه الله وبركاته امممم راح اتكلم بعفوية واسرد الاحداث واتمنى تعذروني بابدااية جيت بدري في بداية الترم وسجلت البحث والتدريب عند دكتورة شريفه مصطفى انسانه جدآ متعاونه وأكثر من متعاونه يعني فيها اخلاص لعملها وتفاني في خدمه الطالبات وتقديم المعلومات بكل وضوح لهم ... اسأل الله لها التوفيق اخذت اوراق الاجراءات حقت البحث والتدريب وختمتها ووقعتها وكل شي واخذت رأي الدكتورة في المكان الي راح اتدرب فيه وكان ضروووووووووري انه يكون مكان حكووومي بحكم اننا اداره عامه طبعآ رحت تدربت في (مكتب التربيه والتعليم بالجنوب الشرقي) بحي الفيحااء مكتب جدآآآآآآآآآ رااائع والموظفات متعاونات وسوالف وقهوة وطبعآآ شغل لازم تشتغلين حتى لو كنتي فاضيه اسئلي الاداريات اذا حابين تساعدينهم في شي؟ بس المكتب جدآ رائع ومريح نفسيا وكتبو درجاتي حق التدريب قداامي بعد كذا كتبت تقرير التدريب راح انزله لكم .. تقرير التدريب اسهل من بحث التخرج بكثير لأنه تكتبين عن شي انتي شفتيه وتقدري تستعيني من النت لأنه مافي توثيق هوامش وهيك عندكم فرصه انكم تبدعون في تقرير التدريب لأنه اذا اعجبها راح يساعدك كثير اذا عكيتي في البحث نجي لبحث التخرج الي حست فيه حوسسه بس جتني فكره جهنمية لقيت رساله ماجستير في النت اخذتها كامله واقتبست فكرتها كاااااااامله لكن التنسيق وتصفيف الكلام من عندي بس اقتبست الفكره وكمان الهوامش ... الخ وراح انزلكم بحث التخرج ان شاءالله طبعآ دكتورة شريفه مصطفى راح ترسل لكم على ايميلاتكم ملزمه توضيحيه لطريقه كتابه البحث امشي مع الخطوات الي كتبتها كلمه بكلمه وصرت ادور للنقطه الي تبغاها في رساله الماجستير واكتبها بطريقتي لكن الفكره من الرساله وهالشي ريحني كثير كنت ضعيفه في الاستبيان لأني نقلت اشياء بسيطه من رساله الماجستير ما قدرت اخذ الاستبيان كله لأنه كان احصائي وارقام فيه وخربطه المهم انا قدمت بحثي وكنت عارفه اني سيئه في الاستبيان لكن كان تقرير التدريب قوي وبداية البحث قوي وكمان الثقه وقت المناقشه قوية هالامور ساعدتني والحمدلله درجتي كانت 90 (ماشاءالله) بعد ما تخلصي البحث .. نجي للمناقشه هنا وقت التأثير النفسي على الدكتورة واقناعها انك تستحقي الدرجه العاليه بطريقه غير مباشره ادخلي بكل هدوء وكوني واثقه من نفسك ابدآآ لا تخافين وجاوبي اجابات دبلوماسيه حتى لو كنتي تضنين انها خطأ المهم حاولي تناقشين وتاخذين وتعطين راح تكون مأشره على شغلات في البحث بالمرسام وناوية تسألك عنها ممكن تقولك اشرحي هالنقطه او ليش هالنقطه هناا او ليش ما كتبتي هالنقطه ... المهم حاولي قد ما تقدرين انك ما ترتبكين نهائيآآ حتى لو ما عرفتي الاجابه ولو طلبت تشرحين نقطه اسهبي في الشرح وادرسي بحثك تمام اصلا لو بتاخذي بحثك من رساله ماجستير او انتي بتكتبينه راح تكونين فاهمته لكن اللي ناوين يشترون بحث جاهز ضروري تقرأون البحث قبل المناقشه نصيحه للي ناوين يشترون بحث جاهز لا يكون البحث بيرفكت لدرجه انها تشك انك انتي الي كتبتيه لأنها صارت كثير الدكتورة تعرف ان الي كتب البحث مو طالب .. والترم الي راح صارت مع وحده اعرفها قالت لها بحثك جدآآ دقيق كأن الي كاتبه استاذ جامعي في طريقه حلوة العقبه الوحيده في البحث هي اخر جزء الي هو الاستبيان لو تكتبين بحثك كامل وتتركين اخر جزئيه تسوينها في مكتبه يعني يخفف التكلفه ماديا ويسهل عليك فهم البحث لأنك انتي الي كاتبته(مقتبسته من رساله ماجستير) يعني ماراح ترجعي تذاكري البحث بعد المناقشه كثير امممممممممممممم يتبع بروح انام

المشاركة الأصلية كتبت بواسطة تدريبي كوم اولا عشان تنزلي البحث وتدريب لازم تكوني تخرج ثانيا ضروري البحث وضروري تدربي وضروري تناقشي ثالثا الاستاذه شريفة مصطفى تساعد بصراحه وترد عليك بس في الدرجات ماتعطي على قد التعب والله اعلم يمكن غيري احسن مني بس انا كانت اروح لها كل شوي بس وقت المناقشه قالت لي ماله داعي المهم تقدمي البحث وقدمته لها بدون مناقشه لاني من خارج جده ونقصتني في الدرجات ولما سالتها قالت لاني ماناقشتك فيه !!!! بس للامانه هي تساعد وقت تكتبي البحث واسلوبها حلو وربي يوفقكم

المشاركة الأصلية كتبت بواسطة nicegirl2s2 استاذة شريفة جداً جداً دقيقة لأبعد درجة ماتخلي شي الا تعلق عليه كل سطر واذا البحث رائع تحسي من تعديلاتها ماكنك تعبتي عليه بس الاستاذة طيبة وكبيرة فلسن وتكرر الكلام كثير المفيد والغير مفيد والله يعنا ويوفقنا

عيشة عوض

المشاركة الأصلية كتبت بواسطة ابتسامة امل انا اخذتها مع د. عيشه تدربت في الرئاسة العامه قسم محاسبه .. بالنسبه للتدريب كان الحضور مشددين عليه , ويعطونك اعمال بسيطه مرا ومو في التخصص .. موضوع البحث انتي تبحثين عن طبيعة شغلهم وتتختارين موضوع عنه .. انا كان موضوعي عن الرواتب وحده ثانيه كان عن المحاسبة الحكوميه .. بالنسبه للدكتوره عيشه يعجبها البحث الدسم .. الي فيه معلومات كثيره .. سواء من عندك او من الكتب .. وكمان تحب البنت الي تراجعها دائما .. وفي المناقشه خليك واثقه من نفسك حتى لو ماكنتي تعرفين شئ .. وبس اذا عندك استفسار تفضلي وبالتوفيق ان شاء الله ..

المشاركة الأصلية كتبت بواسطة تـggتـي مساء الخير حبيت اقولكم ايش صار معايا في المناقشه المفروض انزل الموضوع من يوم السبت بس ربي ماكتب .. أول حاجه انا مع دكتوره عيشه عوض وطبعا كل مااخلص جزئيه في البحث ارسلها لها ايميل وماشاء الله ماتطول في الرد وترسلي التعديل عموما طفشتني وطفشتها من كثر الايميلات هيه انسانه جدا دقيقه لدرجة تعدلي الفواصل والنقط وعموما التصحيح اللغوي واملائي وكل حاجه تركز فيها ماشاء الله عليها . طبعا بعد ماخلصت وبعتلها كل الاجزاء بعد التعديل ورجعت برضو عدلتلي وكان التعديل الاخير على الايميل , بعدها طبعت البحث بعد ماعدلت كل التعديلات اللي طلبتها رحتلها السبت مو اللي فات اللي قبلو اتفاجأت انها تقولي انا حشوفو وابعتلك ايميل اقولك انو تم الانتهاء من قراءة البحث وترجعي تاخذيه وتسوي التعديلات في نسخه جديده , ووصلني ايميل منها يوم الاثنين انو تم الانتهاء ورحتلها الثلاثاء اخذتو وحددتلي موعد المناقشه السبت اللي فات مع احضار نسخه جديده للبحث بعد التعديل الاخير والتقرير نسخه جديده والبحث النسخه اللي عدلت عليها اخر مره ، وكمان نسخه من البحث والتقرير على cd وجاء يوم المناقشه كانت نص ساعه تقريبا سألتني اول سؤال ايش المكان اللي كان نفسك تروحي تدربي فيه وتطبقي كل دراستك وتلاقي فعلا مجال لكل اللي درستيه ؟ السؤال الثاني ايش اقرب دراسه من الدراسات السابقه لكِ وليه ؟ السؤال الثالث قالتلي افتحي الدراسه الميدانيه وقوليلي كيف اثبتي كل فرض في بحثك وهل تحققت فروضك او لا ؟ السؤال الرابع ايش ممكن تقوليلي توصيات او مقترحات لبحثك ؟ وخلاص عموما كانت الحمدلله كويسه وعدت على خير ... عقبالكم .