[gentle man]

المشاركة الأصلية كتبت بواسطة мαѕooяy ^ 3 حاسب رابغ ،

يعني شي ينرفززززني مرررة وأطلع من طوري لمن اخويا الي يدرس في رابغ يقلي

يا سييدي طول الخط نشوف الباصات حقت البنات الي جيا لرابغ وراحية من رابغ

وقد شاف بعض الحوادث بعينو


يعني عشان خاطر تاخدي شهاادة يا روح ماما تخلي امك تبكي عليكي طول العمر ..

يعني عشان تاخدي شهادة يا روح ماما لو ما سار حادس والله لا يوري احد مكروه

تخلي بابتك عايش عليكي في قلق كل يوم متى بنتي توصل متى بنتي ترجع وامك واخوانك ..


ياريت ما نفكر في الموضوع من جهة وازا ع الشهاادة ززوري احلى شهاادة حااسب

وازا ع العلم فا تقدري تتعلمي العلم بنفسك انا computer engneering

اوك لو ما على قولت اخوانا اللبنانين >أشتغلتي ع حالكـ < عمرك ما راح تبعدي في دا القسم

يعني في النهاية تحتااجي انك تدربي اكتر تشتغلي اكتر ..

يعني انتو على بالكم انو والله احنا ما نبااكم تساافرو عشان والله انو مرأة واحسن مكان لها البيت ترا التفكير المتخلف هادا خلاص محد سار يفكر فيه من قررون..


والله دمنا يتحرق لمن تسير فيكم شي

والله الى الان ما قدرت انسى الباص حق حايل الي ماتت في 11 بنت وغيرهم كتيير


لا يكلف الله نفس الا وسعها

انا مو ضد العلم ولا ضد التقدم ولا ضد التحضر ولا ضد سواقة المرأة الشي المفيد نعلمو ونسعى عليه ونحاول نكون سبب في انجحااه حتى لو بالكلام ..

لكن شي زي كدا معليش انا ضده

يعني احنا اخويا وهوا رجاال رجال يعني المفروض ما نخاف عليه زي البنت بحكم انو يستحمل اكتر

كـ طبيعتو الي ربنا خلقو عليها ..

ومع ذلك ما رضينا يطلع وينزل بسيارتو خلينا مع باص مو اي باص باص احنا عافين السواق

وعارفين كيف سواقتو ومع ذلك مو امي انا نفسي اقلق عليه مو عشان تقولولي قلب الام

ترا حتى الاخ الكبير يشيل هم اخواني الصغار وان ما بين لكم ..

أتمنى من كل بنت قبل ما تفكر في الامور دي تفكر في عقبااتها

للأسف للأسف للأسف سار عندنا محا اقول كل البنات بس في مجموعة تفضل مصلحة نفسها

زي الي تروح بعثة وتخلي بابتها يرافقها .. طيب وامك واخواتك واخوانك الصغار تخليهم ارملة و ايتام عشان حضرت جناابك تبي تكملي درااستك برا .. قممممة السخاافة والـ قلة ادب ..

آسف اطلت في الكلام بس مقهووووووووور من جوااات قلبي طلعت حرتي شوية