[o,O]

زي ماوعدتكم يابنات اليوم اول محاضره اخذها مع الاستاذه نسرين ملا
وادتنا الموقع حقها والايميل
وادتنا المخطط التفصيلي للماده وهو كمان موجود في موقعها

http://www.nesreenmulla.co.cc/

واي استفسار يعني صعبت علينا مساله وكذا قالت لنا نراسلها على الايميل
وجدا متعاونه الله يجزاها كل خير

الكتاب :
أسماء باهرمز، مقدمة في بحوث العمليات، الطبعة الرابعة 1429هـ. (أو ما بعدها)

قالت لنا نذاكر التمارين اللي نهايه كل باب والاسئله راح تكون زيها لكن باختلاف الارقام
والاسماء

صيغه الاسئله :
صح وخطا واختياري
اوراق العمل اللي ادتها البنات السمستر اللي فات مو مهمه كثير لان تمارين الكتاب زيها
وتكفينا لكن اللي تبغى تحل تحلها بس ماهي شي جديد اذا حليتي تمارين الكتاب

اليوم اخذنا :
الفصل الاول

الفصل الثامن
ماحصلتو في الموقع لكن سهلتو لنا الاستاذه جمعتو كلو في ورقه وحده ويمكن موجود بس انا مانتبهت

الفصل الثاني اخذناه لحد مثال 1 وحلينا المثال






المحاضرات :

الفصل الأول

http://www.mediafire.com/?umlniecsleq7iic

نحاول نفهم الجزء النظري لانو ممكن يجي صح وخطا
التعريف ممكن صح وخطا وركزو على الهدف الوصول الى البديل الامثل ... الخ

في شريحه استخدام النماذج في بحوث العمليات
النموذج الرياضي
الدخل الصافي = الايرادات كاتبه تشغيليه زي مثلا الراتب | عرضيه مثلا مكافاه | استثماريه مثلا دخلتي مشروع وجاك ربح
طرح التكاليف ثابته زي مثلا ايجار البيت- متغير زي مثلا فاتوره الجوال ذا الشهر 300 اللي بعدو 500 كذا يعني

في خطوات التحليل الكمي
تحديد المشكله
تكوين نموذج رياضي (نحول المشكله الى رموز رياضيه )
نجمع البيانات
نحل النموذج الرياضي
كتابه التقرير( في البدايه المشكله كانت كلام بعدين حولناها لرموز نرجع نكتب التقرير بكلام عشان نسلمو للمدير
مو نسلم التقرير برموز)


في مثال شريحه 11

نطلع الهدف ونطلع المطلوب من المثال
المطلوب :
عدد الحقائب = س < مو شرط س ممكن ص او اي حرف انتي تبغيه المهم نرمز لها بحرف
طيب الهدف ؟
داله الهدف لها قاعده اساسيه
اكتبي داله الهدف نزلي منها قوسين
الاول ربح نرمز له بـ سهم على فوق
الثاني اقل تكلفه نرمز له بـ سهم على تحت

نحط سهم لفوق بعدين حرف الدال او اي حرف وبعدين = وبعدين الرقم في المثال الرقم كان 12
اقصى ربح يعني اي شي فيه فلوس
الفلوس في المثال كانت 12 ريال ربح للحقيبه الوحده
طيب وعدد الساعات اللي يشتغلها العمال كانت 40 ساعه
طيب كم انتج حقيبه مايزيد شغلها عن 40 ساعه
حتكون 10 حقائب في الاسبوع
10س < هذي 10 ضرب س لكن لما نضرب عدد في رمز مانحط علامه الضرب
و معنى س اتفقنا هو عدد الحقائب
الحل :
المرحله الاولى تمثيل الهدف :
حقق اقصى ربح : د=12 س
المرحله الثانيه القيود خلونا نشرحها بعدين نحل فيها :
اكتبي القيد
نزلي منو قوسين
واكتبي طرف ايمن علاقه رياضيه ( تمثيل كميه انتاج المتغير ( المتغير اللي هيه الحقائب ) ) اكبر من يساوي

الطرف الايسر : الطاقه التشغيليه ( اللي هيه 40 ساعه ) اصغر من او يساوي

الحل :
4 س اصغر من او يساوي 40
ماينفع تكون اكبر من الـ 40 لانو ماحيسوو الشغل ساعاتهم 40 فقط
س اكبر من او يساوي الصفر

اكبر من او يساوي اصغر من او يساوي اعتقد عارفين العلامه ؟ لانو مو قادره اكتبها هنا

المهم في النهايه ماننسى قيود اللاسلبيه على جميع متغيرات القرار
كل السينات اكبر من او تساوي الصفر

بنات الباقي مفهوم في الكتاب مايحتاج اتكلم عنو
ان شالله راح انزلكم طريقه رسم شجره القرارات
وشويه شرح مرتب للباب الثامن المتشائم او المتحفظ
والمتفائل وكثير الندم شرحتها فوق لكن راح اشيك عليها من جديد اشوف هيه تمام كذا ولا لا
وكمان مثال 1 في ص 51 اللي هو مشكله تحقيق اقصى ربح ( مصنع جلود لحقائب اليد النسائيه )
لاني دوبي جايه من الجامعه




ملاحظه :بنات الشرايح اللي ماتكلمت عنها مو معناتو مو معانا كلو معانا الخطه موجوده في موقع الاستاذه
لكن في اشياء بارزه حبيت اوضحها

اي استفسار تفضلو
ولو غلطت في شي نبهوني
ودعواتكم