[tooowwwt]

المشاركة الأصلية كتبت بواسطة SEMESTER نحن مجاهدات وربما مصارعات .. ونساء من حديد ... ولطالمنا سننشد ياجبل مايهزك ريح... تحيتي لك طالبات التقنية المناضلات الصابرات والأمهات .... ومن له رب ليس له هم .. هو كفيلنا وحسبنا .... وعليم بأحوالنا ...

اختي SEMESTER
لا شك انه البنات يجاهدون في مواصلة دراستهم على جميع الصعد
كلنا تعبنا في اختيار الكلية وكلنا تعبنا في اختيار التخصص
وكلنا بتواجهنا مشاكل,,لكن المشكله الكبيره لمن ما تسمعي صدى لشكواتك
إلي يساعدنا امكن انه تعتبر ادارة الكلية عندنا وهذا بالتالي يصعب عليكم الأمر شوية
بصراحه مرره حزنت على وضعكم
وإلي وصفتيه هون عليا مصيبتي ربنا يكون في عونك وييسر أمركم ويوفقكم ويوفقنا أجمعين بالدرجات العاليه الكاملة,,
كل هذا جهاد وله أجره ان شاء الله,,والصبر مفتاح الفرج,,

المشاركة الأصلية كتبت بواسطة .: نبراس :. عدنا مذاكرتكم ايام الاختبارات كانت من الكتاب ولا الدكتور حيعطينا سلايدات نزاكر منها يعني هل الكتاب ضروري في عملية المزاكره كلها ولا نادرا ما كنتوا تفتحوا الكتاب معاه ؟ صديقتي سمستر صدقتي في كل كلمه قلتيها تعيش طالبات التقنيه ^^ وكل طلاب جامعة الملك عبدالعزيز :) نسيتي تذكري نقطه و هي مادة الاحصاء stat 210 الي تشبه المستوى stat 211 نفس المحتوى للمنهجين لكن مطلوب مننا دراسته مره تانيه مع العلم اننا نحجنا من المستوى السابق بطلوع الروح >_<" أخ توووت ,, ممكن أعرف إذا كانت خطتكم الدراسيه لقسم تقنية المعلومات فيها نفس المسأله دي هل مطلوب منكم تدرسوا مستويين احصاء لنفس المنهج ؟؟ لا تنسى نعتمد عليك في سؤال الاستاذ عن اسم الكتاب ان شاء الله موفقين ^^

عزيزتي نبراس
إذا كنت تبغي تحتفظي بالكتاب لبعدين عشان تستفيدي منه على طول انصحك تشتريه
اما غير كدا ما أنصحك,,,وفري فلوسك وإذا كان في شيء مهم صوري الصفحات المهمه
هذا رأيي..

بالنسبة للأحصاء
انا اتأخرت ترم في كلية العلوم ونزلت فيه مواد أقدر أستفيد منها كلها يعني ما أخذها على الفاضي

وكان من ضمنها أحصاء عام 201Stat
كانت ماده 4 ساعات وبالعربي...تعتبر الأحصاء المستوى الأول
لمن حولت على الكلية كلمتهم في الإدارة انا والطلاب إلي نفس حالتي
وقالوا حنعادلكم هيا مع الإحصاء المستوى الأول حق الكلية ((مع انه كان 3 ساعات وكان بالإنجليزي)) اظن اسم المقرر Stat 110 مني متأكد

أعتقد انت أخذتي المادة 211 بالعربي في كلية تانية غير كلية الحاسب
في حاجه اسمها وصف ماده روحي أطلبيها من الشؤون التعليمية حقت نفس كليتنا
يعطوكِ وصف كامل للماده بعدد ساعاتها وأشياء تانية وتكون ورقه موثقة ومختوم عليها
اطلبي وصف للمادتين 210 و 211
بعد كدا شوفي إذا تقدري تعادليهم ببعض ولا لأ
اعتقد انك تقدري شد حيلك في الموضوع عشان لا تاخديها على الافضي لأنهم مثل بعض بالضبط اللهم هذه عربي ودي انجليزي حسب ما افتكر الترم إلي راح.

ولا تنسوا تكحو بصوت عالي عشان أفتكر أسئلو عن اسم الكتاب هئ هئ
انتبهو تكحولي كتير وبعدين يعزلو الكلاس<<H1N1

في وداعة الله,,