[*waaw*]

سلامي واحترامي للجميع
أنا الحمدلله اخذت الماده الترم الماضي وعديت فيها بدرجه مرضيه ولله الحمد. فحابه اكتب لكم تجرتي بالتفصيل الممل. منهجنا تقريبا نفسكم مع تغيير بسيط لبعض القصايد
ابدأ أول شي بالاختبارات
الاختبار الأول كان في الست القصائد الأولى. أربع اسئلة ونختار ثلاثة
السؤال الأول والثاني من قصايد مو معاكم والسؤال الثالث كان على قصيدة ode to solitude السؤال كان مالذي امتدحه الشاعر؟ طبعا الي مدحه من نفس عنوان القصيده solitude والاجابة على شكل براقراف قصير توضحي فيه كيف مدح العزله وليه. وفي على هذي القصيده سؤال جابته للشعبه الثانيه على المقطع قبل الاخير مو متأكده من نصه بس بالمعنى كيف تحقق innocence؟ الاجابه : يتحقق بالتأمل والعزله وتوضحي لها كيف
السؤال الرابع كان على قصيدة his blindness on السؤال كان على البيت الاخير اش الرساله الي وجهها الشاعر طبعا القصيدة دينية فهو يوجه رساله دينية ينصح فيها .....
الاختبار الثاني كان سؤالين , السؤال الاول تحليل عام لمقطع من قصيده بس مو معاكم اما الشعبه الثانيه كانت قصيده kubla khan السؤال الثاني للاسف مو معاكم القصيده
الاختبار النهائي كان مقسم لقسمين 20 على سؤال واحد مقالي و20 درجة اختيارات, الاختيارات تقريبا حلوه وواضحه تتكلم عن القصيده بشكل عام وعن العصر للقصيده او عن الكاتب يعني اشياء عامه صحيح في كذا فقره تتوه بس بشكل عام سهله
السؤال المقالي كان في 4 او 5 اسئلة نختار واحد منها من ضمن الاسئلة
1- اش القصيده الي عجبتك وليه؟ (تكرر كذا مره هذا السؤال)
2- اختاري كاتب او اكثر وكيف طبق خصائص عصره في كتاباته؟ (تحب هذا السؤال)
3- سؤال عن قصيدة my last duches اش نوعها؟ وماخصائص هذا النوع؟ (مكرر هذا السؤال)
4-قارني بين قصيدتين In a Station of the Metro و Nothing Gold Can Stay أي من القصيدتين اظهرت خصائص العصر احديث اكثر؟
5- كان في سؤال مو فاكرته بالضبط عن the Hollow Men
في قصايد تركز عليها كثير وتحب تجيب الاسئله منها وفي قصايد ولا كأنها موجوده انو حتلاحظو من خلال شرحها الي تكرره اعرفو على طول انو جاي
كل المطلوب منكم التحضير اذا طلبت منكم شي تحضروه حضرو الي تقوله لو بس شي بسيط اهم شي تفاعلو معاها لانها اذا شافت من البنات تفاعل تكمل وتنبسط بس اذا طنشتوها تزززززززززعل والله دكتولره ناريمان قلبها طيب مررره بس هي عصبيه حبتين بس عادي انتو تعودو لاتخافو اذا هددت هي اسلوبها كذا تتنرفز وترجع بسرررعه وعادي ممكن تغير رأيها في أي شي تقوله بس كل هذا الكلام مو مهم انا اشوف انو اهم شي بالاستاذه اسئلتها وطريقتها والتصحيح . اسئلتها سهله وواضحه وتركز على الي تقوله في الشرح
هي ماتحب الكلام الكثير في الاجابه يعني حاولي تكون اجابتك مركزه على الي تطلبه وبس مرررره ماتحب الكلام الزايد عندها الاهم الرايتنق وهي تقول د ايما كل ماكتبتو اكثر كل ماغلطتو اكثر
اما بالنسبه لطريقة المذاكره انا اشوف ان كل قصيده تاخذوها ابحثو عن شرحها وحاولو تربطو بين الشرح الي تقوله والي لقيتوه لان كل واحد يكتب تفسيره الي يشوفه . ركزو اكثر شي على مناسبة كتابة القصيده وا الثيم العام للقصيده وكيف الشاعر شرح الثيم عن طريق الصور او المقارنه مثلا وزي كذا , وكل هذا تربطو بالعصر نفسه اهم نقطة هذي وتركز عليها كثير. اعطيكم مثال عصر الرومانتسزم كان تركيزهم على الطبيعة وحب الطبيعة ورجوعهم للطبيعة والتفكير فيها لانهم يشوفو ان هذا الشي الوحيد الي يريحهم فعشان كذا الكاتب اختار انه يرجع للماضي في قصيدة lines composed الخ
حاولي تجهزي لكل قصيده برقراف تكتبي فيه المختصر المفيد لكل قصيده عشان ماتتعبوا في المذاكره مع ضغط الاختبارات
اخر نقطة انبهكم عليها المحاضره الي قبل الاختبار ابدا لاتفوتوها تقول فيها كل شي مهم وتقريبا الاسئله تقولها بشكل او باخر
مع تمنياتي لكم بالتوفيق والنجاح بدرجات عاليه واي استفسار انا بالخدمه كل الي ابغاه دعوه في ظهر الغيب فقط