[white rose]

المشاركة الأصلية كتبت بواسطة مريومه2 السلام عليكم ورحمه الله أنا كمان انقبلت في كليه الاداب فرع السليمانيه حابه اتخصص انجليزي ولغتي مش تمام ممكن تقولوا لي كيف اظمن جناحي في الاختبار وسمعت انه ادا نجحتي فيه قبول مشروط صح ولا لا

وعليكم السلام ورحمة الله وبركاته

حياك الله اختي ومبارك القبول بفرع السليمانية وربي يتمم لك التخصص على خير

في التخصص يعاملوك على انك متعلمة اللغة ويعطوك نصايح وتوجيهات لكن اعتمادك الاكبر يكون على نفسك بالتحصيل والدراسة وجمع اكبر عدد من الكلمات وتطوير نفسك لذلك لو تلاحظين في هالموضوع ننصح الطلاب والطالبات بزيارة المكتبة الخاصة وانهم يبداون بتطوير حالهم قبل الاختبار والاستعداد له بشكل طيب ..

انك تضمني نجاحك يكون بمدى اجتهادك وشغلك على نفسك بس عادة الاختبار يكون كتابة بلجراف من عشرة اسطر تراعين فيه الجرامر وعلامات الترقيم وتكتبين كتابة صحيحة بترابط منطقي سليم واحتمال يجيكم قطعة ريدينغ زي الفيصلية بما انهم صارو مثلهم الحين بفرض الاختبار على المتقدمين فجهزي نفسك زين لاي احتمالية لذلك اجمعي اكبر حصيلة لغوية تقدرين عليها عشان تساعدك بفهم كل ما يوضع امامك كذلك اكثري من الكتابة وقراءة المواضيع عشان تتعودين تكتبين بشكل جيد ..

القبول المشروط كان زمان يقولوه بس للامانة ما طبقوه كانو يقولون للبنات كذا عشان يحمسونهم للتخصص وانهم يشتغلون على نفسهم اكثر لان الاغلب يدخله على ان التخصص راح يكون زي التحضيري لكنه يختلف عنه ويحتاج منك اجتهاد وتركيز وتطويررر لنفسك وهذي اهم نقطة طول ما انتي بالتخصص تشتغلين على نفسك ..

الله يوفقك وييسر لك الاختبار :-)