[The Reader]

المشاركة الأصلية كتبت بواسطة nour al3mr والله اول مره اسمع عن English Club ياليت لو تفيدينا اكثر عنهم وعن طريقه الوصول لهم ... مشكورة على المساعده .. وفي انتظار الرد...

مستحيل ما تعرفوه!! والله طول الترم عاملين شغل حلو و شاركوا في حفل القسم.. لكن ع العموم النادي هو نادي اللغة الانجليزية و هو كان مشروع التخرج لبنات قسم الانجليزي 04 على ما أظن (يعني قبل سنتين أو أقل تقريباً) لكن الفكرة نجحت فاستمر النادي و في الأخير ألحقوه بالشؤون و سار زيو زي أي نادي تابع للشؤون.. هو في نفس الغرفة حقت النادي الفني و النادي الرياضي.. أهم أنشطة عملها النادي الترم اللي فات كانت دورات اللغة الانجليزية (مرة كانت ناجحة ما شاء الله ) لكن أكثر البنات اللي سجلوا كانوا من أقسام غير الانجليزي.. الدورات اللي اتعملت الترم اللي فات كانت:
1- Common Mistakes in English
2- Conversation
3- Reading
طبعاً الطلب كان أكثر شي على الـ Conversation
الشي الحلو كمان إنو البنات اللي بيديروا الـ Club خريجات القسم و ممكن تستفيدوا من خبراتهم و كمان خبرات العضوات (مرررة عسولات ) معليش الكلام مرررة مو مرتب (تبى تنااااام) لكن المهم لا تنسوا تزوروا النادي لما تبدأ الدراسة حتستفيدوا كثير