واخيييييرا انتهيت من تجميع الموضوع...واعتذر البنات اللي تاخرت عليهم بس والله كنت انتظر اخوي يرسلي مواقع
واللي سبق وعطيتهم مواقع اقولهم اني الان عملت تنقيح وجبت مواقع جديده وروووعه ياليت تشوفونها
المواقع هذي انا نفسي ماذاكرت منها لان اخوي كان بنفس الوقت بيختبر بعد وماحبيت اسأله عن شي..يكفيه همه وغربته..ولما عرف عن نتيجتي عطاني المواقع عشان ارجع اختبر
المواقع هذي يذاكرون منها المبتعثين وبجد روووعه واتمنى تفيد الجميع
وبسم الله نبدأ :
اولا : عشان نعدي التوفل لازم نشتغل على اللغه ... وانصحكم تسمعون هاي المحاضره قبل لاتبدون مذاكره وهذا اللينك
الان لازم ندرس الانجليش ..وعندي لكم شي من جد تمنيت اني عارفته من قبل والحمد لله على كل حال
هذا موقع اجنبي فيه دراسه لسبع مستويات في اللغه اون لاين وببلاش..نقدر نسوي اختبار تحديد مستوى وبعدين نبدأ ندرس من المستوى الاول للسابع مثل المعااااهد تمام بس في البيت وبرواق وهذا اللينك
وهذا ثاني تسجلون فيه وبعد كذا تختارون المنهج وتبدون تدرسون وبصراحه هذا الموقع رااائع وانا باذن الله بدرس فيه وبنزل لكم اللينك اللي فيه شرح للتسجيل وفيه رابط الموقع
مع الشكر طبعا للي عطاني الموقع (الصمت طبعي او محمد شلهوب والله ماني متذكره وعالعموم كل الشخصين ماقصروا والله يفرحنا بقبولهم)
وهذا اللينك
http://travel.maktoob.com/vb/travel253940/
ثانيا : الان نركز على المهارات اللي لازم نتقنها عشان نعدي التوفل باذن الله واللي هيا اربع مهارات
reading , listening , speaking , writing
بالنسبه للــ reading
افضل موقع ممكن تقرون فيه هو الويكيبيديا العالمي بس الانجليش مو العربي
ابحثوا عن اي موضوع واقروا فيه خاصه المواضيع العلميه والهيستوري مثل الحضارات , تقاليد, البيولوجي وركزوا عليه لان كثير يجي بالتوفل وهذا اللينك
وهنا طريقه حلوه لحفظ الكلمات الجديده
بالنسبه للــ listening
موقع قناة البي بي سي...طول ماانتم جالسين عالنت حطوه ولاتقولون مانفهم ...سبحان الله اذا تعودت الاذن على السمع تلقون انفسكم شوي شوي بديتوا تفهمون وهذا اللينك
وهذا الموقع راااااااااااااااااااااااا اااااائع وفيه ثلاث مستويات سهل ومتوسط وصعب عشان الواحد يبدأ بالتدريج تمنيت اني عارفته قبل بس قدر الله وما شاء فعل,, وهذا اللينك
بالنسبه للــlistening
هذا الموقع فيه كل شي عن الاستماع والمحادثه...والخبر الحلووو ان عندهم فلاشات تعليميه من المجلس البريطاني
وعموما الموقع تعليمي بحت وفيه كل شي عن اللغه الانجليزيه وفيه اقيام خاصه للقراءه والكتابه اللي يبي يدخل الصفخه الرئيسيه ويتصفح براحته وهذا اللينك
بالنسبه لـــwriting
نفس الموقع السابق حطيت لكم قسم الكتابه وهذا اللينك
وهذا موقع ثاني كمان ممكن تلقون فيه حاجات حلوه
ثالثا: انتهينا الان من المذاكره للاختبار....
الان نجي لطريقة الاسئله وكيف راح يكون الاختبار ...وهذا هو الكتاب اللي نزله لنا rdtt10 جزاه الله خير..والله يسهل اموره وينقبل
الكتاب راااائع ...وجتني نفس طريقة الاسئله تماااااااااام...وهذا لينك تحصلون عليه الكتاب مع السيديهات الصوتيه التابعه له
وهذا كتاب فيه كلمات تجي باختبارات التوفل ...يعني كلمات علميه ..الكتاب رااااائع ..وجاني منه كلمات مع اني مااخذت الكتاب على محمل الجد ...وهذا اللينك
وعلى فكره المدونه هذي خطييييييييييييره وفيها كتب مفيده للي حاب يطلع
رابعا : الان خلصنا وذاكرنا ...ومستعدين...ندخل نعمل اختبار تجريبي للتوفل على هذا اللينك
واخيرا اقولكم ...خلصت,,,
والله تعبت على هالموضوع ...ومابي منكم غير تدعووون لي بان الله يحقق اللي فبالي ...
ويسهل امري انا واخوي ويرجعه لنا يارب سالم ..
الله يوفقكم ...واعتذر على الاطاله
______________________________________
هذا الموضوع نقلته لكم من منتديات تجمع طلاب وطالبات جامعة الملك سعود
وندعوا لكاتبة الموضوع بالتوفيق وان يجعل الله ذلك في ميزان حسناتها
اتمنى ان نستفيد فهو موضوع مهم جدا ومرجع لكل طال وطالبة
دعواتي لكم بالتوفيق والنجاح :bye1: