عرض مشاركة واحدة
منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 25-09-2009, 06:07 PM   #11

جداوية شقية

عنيدة واطمح للمستحيل

الصورة الرمزية جداوية شقية

 
تاريخ التسجيل: Jul 2009
كلية: أخرى
التخصص: تــاريخ
نوع الدراسة: ماجستير
المستوى: متخرج
البلد: الاحساء
الجنس: أنثى
المشاركات: 219
افتراضي رد: تجمع طالبات التاريخ

المشاركة الأصلية كتبت بواسطة سوسن الحربي مشاهدة المشاركة
جزاكي الله خير يا جداويه وياريت كمان تقوليلنا على الاستاذات المميزات في المواد الي درستيها .
استاذات التاريخ معروفين من بين الأقسام بنشاطهم وهما الأوائل في النشاطات الامنهجية بجد متعاونين عكس ما اشوف الأقسام التانيه مو مدح لهم لأنهم اساتذتي لا وربي شاهد على كلامي وراح احددلك من اروع الإستاذات النشيطين

الدكتورة آمال عبد حافظ :: ما اقدر اوفي قدرها الصراحة امينه بشكل ما تتخيلوه مع انها كانت تعبانه الله يحفظها بس كانت توقف على رجلها وتشرح لنا نقطه نقطه تخصص اوروبا عصور وسطى وبيزنطه
واحيان تعطي الطالبات ملخص المحاضرة الجايه يحضروها والمحاضرة اللي بعدها تجي تسأل عشان تثبت المعلومه والصراحة طريقتها كانت مثمره

الدكتورة اميرة مصطفى :: تخصصها بيزنطه بس اعطتني سيرة نبويه و مناهج البحث التاريخي بس مشاءالله مشاءالله عليها تعطيكي شرح للسيرة النبوية وتحسي نفسك وسط المعكره تحسيها تشرحلك وكأنها كانت معاكم عليها اسلوب لا يعلى عليه الله يعطيها العافيه وما تقصر في شرح ابدا بالعكس تشرح لأخر دقيقة في المحاضرة هذي ميزة كل استاذاتنا لأخر دقيقه وهما يشرحوا

الدكتورة الهام الدجاني :: تخصصها الأندلس الإسلامي :: اعطتي تاريخ المغرب الإسلامي و تاريخ انتشار الإسلام في آسيا : طبعا شرحها مره سلس تكتبي معاها النقاط المهمه وتتأكدي انها محا تجيب الا منها الا احيان واحيان اسئلتها تنبع عن ذكاء يعني شوية تركيز و ربنا يسهلها


الدكتورة ابتسام مندورة :: تخصصها عباسي :: اعطتني خلفاء راشدين :: طريقتها حلوة في الشرح واسئلتها جدا واضحه مافيها لا لف ولا دوران تحب الأسئلة تكون مقاليه و موضوعيه في الدوري عشان تشوف تفوق الطالبه لأنو زي ما تعرفو الموضوع ما يحدد مستوى كلها صح خطأ او اختياري

الدكتورة بلقيس اعطتني تاريخ علوم العرب :: تسترجعي ايام المدرسة في محاضرتها اسلوبها مره حلو كل ما تخلصو جزئية ترجع تسألكم فيها وبكدا ما يحتاج ترجعي البيت الا تسوي ملخص لنفسك اذا حابه

اللي ذكرتهم عموما دكاتره لتاريخ العصور الوسطى

وفي دكاترة ما حصل واعطوني شي بس استناهم يدرسوني منهم دكتورة موضي الكريديس تخصصها عصور وسطى باين عليها مره عسل وكثير يمدحوها


وبالنسبه لطالبات الدفعة الجديده اللي خلصو تحضيري اكيد بتبدأو من عصور قديمه

ومن اللي يعطو عصور قديمه
استاذة عائشة الرفاعي : شرق ادنى قديم
دكتورة فتحيه عقاب يقولو راحت ومحا ترجع الله اعلم : اليونان والرومان القديم
دكتورة هالة يوسف : شبه الجزيرة العربيه : دكتورة هاله امينه بشكل ما تتخيلوه تعطيكي حقك زي ماهوا وتحاول تساعدك هيا ملتزمة


وان شاءالله اختي لما تدخلي حتشوفي بنفسك


بالتوفيق نقرتين لعرض الصورة في صفحة مستقلة

 

توقيع جداوية شقية  

 


نقرتين لعرض الصورة في صفحة مستقلةسبحان الله والحمدلله ولا حول ولا قوة الا بالله نقرتين لعرض الصورة في صفحة مستقلة
نقرتين لعرض الصورة في صفحة مستقلةيارب وفقني في حياتي الدنيا والاخرهنقرتين لعرض الصورة في صفحة مستقلة

 

جداوية شقية غير متواجد حالياً