كيف تتعامل مع رئيسة القسم ؟
بعض الـ Clinical Instructors بالمستشفيات يحسبون إن حنا بنواجه بمستشفاهم رئيسات
تمريض خارقين للعادة .. كيف ؟ يعطونك أوراق إدارية فلسفية ويقولوا تناقش مع رئيسة التمريض
بالقسم عندك عن مبادئ الإدارة الصحية الحديثة عندها واعمل تقرير واعطينا اياه عشان
نسألك فيه <= أهز رأسي لها وصار وجهي كذا
رئيسة القسم كانت فلبينية أربعينية ، عصبية ، عاملة خمسين ألف عملية تجميل بوجهها
ومرة تصبغ شعرها أصفر .. ومرة برتقالي .. ومرة أحمر
رحت أدربج رأسي متجه للقسم .. وأقول بنفسي : أتحدى إذا جاوبت عليها هالشقراء
طق طق طق : مدام لورينا ، لو سمحتي اذا كان وقتك يسمح عندي بعض الأمور الإدارية
ابغى اتناقش معك فيها ..... قالت أعطيني إياها ..... وأشوف عيونها تقلب .. وتلبس
النظارة .. قلت بأرجع بعدين شكلك مشغوله ... وفجأة قالت لي : ايوه بأدين مهمد
فيه كلام انا فيه مسغول <=
<-- تصريفه
ملاحظة: بعض التمريض الأجنبي مثل الروبوت ، مبرمج
على أمر معين إذا إختلت البرمجه تعطل ولم يعد قادراً على العملْ ، سنين طويلة ما
يعرف إلا أشياء معينة يمارسها بإستمرار .
المهم رجعت لها وقت البريك حقها ، شفتها تتغدى .. قالت تعال اتغدى معي .. قلت
لا شكراً أنا متغدي ارجع لك بعدين .. قالت : كداب (لازم الواحد يتحمل
) ، و اصرت اني اتغدى معها ولا أجيب الأوراق معي ..
المهم كان الغدا : رز بدون ملح وسمك أسود وسلطة و عسل ( وش الي جاب العسل مع الغداء ما ادري )
غداء ابو فلبن المعتاد
، المهم تذكرون بداية الموضوع وش قلت ؟ عن الأسئلة إلي بيسألونك عنها ؟
الله وكيلكم أسئلة نسوان ، ليه سويت .. وليه ما سويت
وتنصح وتنظر لي نظرات التفاؤل ( خاشة جو بقوووة
)
يوم خلصنا غداء .. قلت عنك خليني أساعدك <= يعني اني
إنبسطت و قالت انتا فيه ساعد مع ماما في البيت ؟ قلت : Yes of coooourse <-- والله مدري متى آخر مره رتبت سريري قبل كم سنة
المهم ، رجعت لها وأنا بالوجه الوديع ، قالت كلمات فلبينية مو مفهومة ( بس الي فهمته كأنها تقول انا معي غيرك ؟؟ ، تراك نشبت لي
)
، وانا أبغى
أخلص بسرعه قبل تجي الــ Clinical Instructor وبدأنا النقاش ، أذكر أول سؤال كان عن :
What do you know about health care delivery system
وفتحت فمها .. وتفكر بعمــق ( وانا والله عارف ومتيقن انها ما راح تجاوب .. )
وأسألها السؤال الثاني : إيش النظرية الإدارية إلي تستعملينها بالقسم ؟؟
طبعاً انا لازم أرقع الموضوع ولا أحسسها إنها تفشلت
قلت هذي تحتاج إلى دراسة في الكتب وبحث بالإنترنت
وفجأة .. دخلت الــ Clinical nurse instructor واحنا لسه ما خلصنا ..
وش صار ؟؟ في الرد المقبل أعلمكم وش صار
ما يُستفاد :
رئيسة التمريض الشخصية رقم واحد بأي قسم ، إذا كسبت احترامها إحترمك وتعاون معك
جميع من في القسم سواءً تمريض أو غيره خصوصاً إذا كانوا من نفس الجنسية ، لأنهم يرون
الإحترام و السلوك
قبل العمل ، إفعل ما تؤمر به ولا
تتضايق أو
تتذمّر أو
ترفع صوتك ، إستأذن منها إذا طلعت من القسم ولا تأخذ أكثر من المدة المسموح بها في فترات الراحة .