[جمآآآنه]

سوف أدلي بدلوي الآن :-)
اول شي يابنات الانتساب هالترم حسيتكم مشفوحين ماكأنكم تعرفو السنه اللي راحت واللي قبلها انو الجداول والحذف والاضافه ماتجي الا بعد الانتظام بكم اسبوع وانتو الترم مابدى وخلينا نقول متحمسين بزيادة مو مهم خلينا في الاهم. ..

راح ابدأ بمواد السمستر الثالث
مبادئ محاسبه مع فاطمه كمال اتعب واقول انسانه فاهمه الحمدلله فهمت المادة بدون ما احتاج لا مدرسه ولايحزنون المادة طويله للي بيفهمها سهله واللي خبط لزق يخش يذاكرها حتكون صعبه

مبادئ قانون اللي كانت تعطيني المادة وقتها استاذه نجاة قنديل وكمان حبوبه وشرحها جدا مبسط وتعطي اختبار لكل فصل عشان تتعرفي على طبيعة الاسئله

مبادئ سياسه مع امل عرب المادة انا حبيتها كثير ماحبوها الاستاذه جدا حريصه واسئلتها السهل الممتنع زي مايقولو

اقتصاد جزئي اكثر مادة سوولي المنتدى رعب فيها وللأسف طلعت اسهل مادة اخذتها وماتستاهل كل هالضحه يمكن لأن الاستاذة هي كوثر شغراب جدا رائعه رائعه ومبسطة المادة بشكل حلو واسئلتها ماطلعت من العرض تبعها
اداره عامه اخذتها مع خديجه ضباب الاستاذه غامضه والمنهج زيها غامض بس اسئلتها عاديه تميل للحس المخ قليلا

مواد السمستر الرابع....
نظرية التنظيم،،مع الاستاذة حياة راجخان الشرح وربي من جنبها وكنت شايله هم المادة لكن تأشر وتحذف والاختبار اسئلتها زي اللوز الله يسعدها وين ماراحت بس والمادة معروف انها غثيثه

قانون اداري... مع صباح المصري هي فرفوشه وتلخص وكذا لكن اسئلتها صدمتني غير المتوقع ونكبت عفشي واسوء درجة اخخذتها غير انو المادة طويله ومترابطة المعلومات

ادارة الخدمة المدنيه...مع بدرية الجهني للاسف ماحبيت اسلوبها وكثير مدحوها بس بصراحه من وجهة نظري غير المتوقع ماتحب تاخذ وتعطي متأففه ودايم مستعجله اسئلتها وسط ومستحيل اقول انها صعبه او سهله ماسكه العصايه من النص وكمان المادة طويله بس تقريبا حلوة

اخلاقيات عمل،،،،مادة سهله ورائعه وفرصه لكل وحدة تعدل معدلها فيها لو ضاعت منك رحتي فيها الاستاذة حبوبه واسئلتها جدا رائعه هيفاء عبدالفتاح

محاسبه حكوميه....انا عني شايفتها اصعب من مبادئ المحاسبه احس مخي ماشي بالمقلوب بس الاستاذة مي الثنيان لها الفضل بعد الله في نجاحي للمادة بصراحة شرح فاطمة كمال احسن بس هي ماتدي المحاسبه الحكومي بس تعاون الاستاذة مي واسئلتها الواضحه السهله تخليك تطلعي درجه تمام خاصه انو كل كلامها اللي تركز عليه نفسو جا

الحين طالبات المستوى الخامس وصارة سادس ياليت يفصلولنا موادهم من حيث السهوله والصعوبه ويقارنو بين مواد السمستر الخامس والسادس من اسهل وايش طبيعة المواد

اتمنى ماتبخلو عليه بدعواتكم الطيبه:-)