[(( طموحه ))]

المشاركة الأصلية كتبت بواسطة عزيز نفس ومقابر ضيقت صدري افضل خيار انك تقدمي على الجامعات الخاصة حتى يقبلوك خصوصا اذا كان معك واسطة. يوجد ماستر عن بعد وفي جامعات قوية في بريطانيا لكن المشكلة ان الاسعار تقريبا 100000 وغير معترف فيها في السعودية لان انظمة المعادلات لازم تدرسي في بلد الدراسة مدة معينة حتى تحتسب لك ويكون معترف فيها. اسئلي نفسك ليش تحتاجي الماستر هل علشان الوظيفة؟ هل علشان الاستعراض؟ اذا كنتي موظفة ناجحة انا اشوف تستغلي المبالغ هذي في الدورات اللي تكون في مجال عملك. فيه شهادات عالمية في كل مجال. شوفي اللي في مجالك وخذيها. فيه حل اخير وممكن يمشي مع الجامعات الخاصة وهو انك تدرسي بكالوريوس ثاني ولكن تطلبي منهم معادلة بعض المواد في البكالوريوس اللي معك بيحث انك تدرسي سنتين إلى ثلاث ويكون معك بكالوريوس ثاني وانتظام وبعدها يكون سهل لك انك تقدمي على الماستر. افضل هالخيار اذا كان العمر اقل من 33 في الاخير كل شي يعتمد على طبيعة ظروفك لان كل مشكلة ولها حل خاص فيها.

اولا مشكور على ردك الوافي
و الواسطه مامعاي بس عندي المادة بحكم وظيفتي يعني اقدر للماجستير الخاص وبصراحة مايفيدني الماجستير في وظيفتي الا في حالات نادرة وانا احس اكتفيت من ناحية الوظيفه لاني حاصله على جوائز على مستوى المنطقه
وعندي طموح ان احصل على اعلى مستوى علمي ليس للاستعراض ولكن طموح وتعطش للنجاح اللي كنت محرومه منه سنين وكون عندي وقت فراغ و صار الموضوع زي حلم بالنسبه لي
للاسف الكل يقولي نفس الكلام ..عندك وظيفه احمدي ربك وخلي عنك الدراسه
على فكرة انا احب الدراسة جدا وماجبت مجموع في الجامعه لظروف الله اعلم فيها..