ورحت هيئة التخصصات طلبو مني الوثيقه وكمان السجل وصورة من الهويه وكمان صورة من شهادة الانعاش القلبي والرئوي وصورتين شخصيه (اختياري)
ورسوم 1700 لمدة خمس سنوات
|
اليوم راحت للهيئة في الساعه 12 ظهراً بعد الدوام في الرياض في حي الدبلوماسي - السفارات- أول مادخلت قلت الخطوة الاولى الاستعلامات سالت وصعقني الموظف أنه لزم تدريب لمدة 4 أشهر قلت ليه على كيف أمك أنت وأياه وبعدين أنا موظف قال لازم قلت طيب المدير وايناه قال الدور الاول على اليسار طلعت سال واين المدير قال مسافر لجدة علشان الافتتاح مبنى الهيئة التخصصات الطبية في جدة يعنى ماهو موجود قلت طيب وفي داخلي قلت بيصرفني المهم رجعت قالي هاااا شفت أن كلامي صدق ؟؟ قلت أنا ما أني مقتنع يا اخي فيه خطاب رسمي قال يا كثر الخطابات الى تجي والان لزم تدريب قلت يا اخي مافيه تدريب قال أسال واحد مشرف في نفس صالة جيت بساله لقيته مايقدر يحك راسه من الناس الى عنده طلعت ولقيته هو نفس الموظف وطلع موظف في العلاقات العامة حاطينه في الاستعلامات قال منت مصدق قلت لا أنتم ياموظفين الهئية تختلفون من منطقة عن منطقة قال تعال بسال علشان تصدق بس وربك أنه سال واحد فاهم من الموظفين الى في الصالة فيه كونترات قال له بالحرف الواحد : هل خريج بكالوريوس أدارة المستشفيات لهم تدريب ولا لا ؟ رد الموظف وهنا جت الطامه قال بكالوريوس أدارة المستشفيات ليس له تدريب وهنا هو معطيني ظهر ويسال الموظف وأنقز على أذنه وبصوت عالي شففففففففففففففففففففففففففففففففففففت يا طيب لان فيه ناس وأبغاه يتفشل تعرفون لانه قالي كلامه قبل لا أدخل قال أنتم تبون كل شيء بالقوة المهم أنه طلع وراح لدور الفوقي لانه جته حالة نفسية من قوة الصدمة والمشكلة يقول لي أنه قال لا أكثر من واحد أنه لزم تدريب المهم حجزت رقم وكملت أوراقي والى عنده خبره يجيب ورقه من دوامه علشان يكتبونها أنه موظف بخطاب رسمي جاء وقت دفع الرسوم قال الموظف كم تبي المدة قلت خمس سنوات قال لي أدفع شبكه
1100 ريال قلت ليه ماهي 1700 قال لا 1100 600+مادري ايش + 500 حقت مدري ايش قلت أكيد قال أكيد قلت واحد قالي 1700 ريال دافع قالي لا
المهم دفعت المبلغ وعطاني ورقه وقال لي تعال في أي يوم الثلاثاء بالورقة علشان الاختبار ..!!
ملاحظة:
خطاب أنك على راس العمل طول في الدوام قلت خلاص بعدين قال الموظف لزم علشان يتغاضون على المدة قلت ماجبته قال أرسله فاكس قلت الساعه 12 ماتلقى احد دوامي وأعرفهم قال أجل الله لا يهينك بسجلك بدون وظيفة ولمن تجي للاختبار تدفع 150 ريال وأعدلك الطلب حقك لان تبي تحك راسك في الهئية قال ادفع رسوم
كل يوم الثلاثاء فيه اختبار على كلام الموظف
تحياتي للجميع